Karnage-Tsinxua Global Siyasət Mərkəzinin sədr müavini və Tsinxua Üniversitetinin Beynəlxalq əlaqələr kafedrasında professorluğa namizəd Tang Xioayang “Eurasia Dairy”-yə müsahibə verib.
EURASİA DAİRY: Bu yaxınlarda Donald Trampın Tayvan prezidenti Tsang İng-Venlə baş tutan telefon danşığı rəsmi Çini qəzəbləndirmişdi. Bu hadisə haqda nə deyə bildirərsiniz?
Tang Xioayang: Çinin xarici işlər naziri bəyan etmişdi ki, Trampın Tayvan prezidenti ilə telefon danışığı Tayvan tərəfindən təşkil olunmuş kiçik bir hiylədir. Mən inanıram ki, Tramp administrasiyasında xidmət edən kimsə Tayvan prezidenti ilə telefonda danışığı aparıb. Trampın özü bu hadisədən xəbərdar deyil. Tramp prezidentlik postunu tutduqdan sonra Ağ Ev bu məsələdə ciddi və ehtiyatlı olacaq.
EURASİ DAİRY: Tramp öz twitter səhifəsində Çinin iqtisadi siyasətini və Cənubi Çin dənizində hərbi əməliyyatları tənqid edib. Bu haqqda nə fikirləşirsiz?
Tang Xioayang: Tramp prezident seçkilərindən əvvəlki kampaniyasını davam etdirir. Tramp təkcə Çinə qarşı yox, həmçinin Hillari Klintona və mediaya qarşı da həmin kampaniyanı yürüdür. Tramp nə qədər ki, Ağ Evdə prezidentlik postunu icra etməyə başlamayıb, o istədiyi fikri bildirməkdə azaddır. Lakin yanvarın 20-də təşkil olunacaq and içmə mərasimindən sonra o, artıq rəsmi səviyyədə bəyənatlar verməyə başlayacaq.
EURASİA DAİRY: Bu yaxınlarda yayılan məlumata görə, Rusiya, Çin, İran və Türkiyə dollardan imtina etməyə hazırlaşır. Sizin fikrinizə görə, Çin bu birliyə qoşulacaqmı?
Tang Xioayang: Çin uzun müddət ərzində dollardan xilas olmağa çalışır, çünki dollardan asıllıq Beynəlxalq valyuta sistemində Amerikaya xeyli üstünlük və xeyr verir. Ancaq mən hesab etmirəm ki, qısa müddət ərzində dollardan asılılığı azaltmaq mümkün olacaq.
EURASİA DAİRY: Sizin fikrinizcə, ABŞ-Çin əlaqəri Trampın prezidentlik dövründə necə davam edəcək?
Tang Xioayang: Bu haqqda dəqiq fərziyyə irəli sürmək hələ tezdir. Çünki Trampın özü praqmatik biznesmendir və ən əsası Çin son 40 il ərzində həyata keçirdiyi bazar iqtisadiyyatı islahatlarında praqmatizmi yüksək qiymətləndirir. Ona görə də, mən iki ölkə arasındakı gələcək əməkdaşlığın praqmatik olacağını gözləyirəm.
EURASİA DAİRY: Sizin fikrinizcə Amerika-Çin yaxınlaşmasında Rusiyanın rolu ola bilərmi?
Tang Xioayang: Təhlükəsizlik məsələlərində Rusiya baş aparıcı olmaqda davam edəcək. Əgər Tramp Rusiya ilə gərginliyi azaltmağa çalışsa, üç güc arasında əməkdaşlıq stabil ola bilər.