Azərbaycanın xarici işlər naziri Elmar Məmmədyarovla xarici görünüşcə oxşar olduğumuzdan bəzən bizi səhv salırlar.
Bunu Türkiyənin xarici işlər naziri Mövlud Çavuşoğlu xarici ölkələrdən olan həmkarları ilə münasibətindən danışarkən bildirib:
“Latın Amerikası, Körfəz ölkələrində “brother” (qardaş) dediklərimiz var. Azərbaycanın xarici işlər naziri Elmar Məmmədyarovla xarici görünüşcə oxşar olduğumuzdan bəzən bizi qarışdırırlar.
Toplantılarda Azərbaycana aid suallar verirlər. Əvvəllcə elə bilirdim ki, türk olduğum üçün bu sualı verirlər. Ancaq sonra da Elmarla məni səhv saldıqlarını bildim. Ona da təyyarədə Türkiyə ilə bağlı suallar veriblər.
Özbəkistanın xarici işlər naziri Əbdüləziz Kamilovla çox yaxşı münasibətimiz var. Çinlilər çox rəsmidir. Ancaq Çinin xarici işlər naziri Vang Yi çoxdandır mənə “brother” (qardaş) deyir”.
O deyib ki, Hollandiyanın keçmiş xarici işlər naziri Bert Kunders Avropa İttifaqı ölkələri nazirləri içində ən yaxşı anlaşdığı nazirlərdən biri olub:
“Onu səfirlər konfransına dəvət etdim, gecəyarısı ikili görüşümüz zamanı aramızda sərt bir mübahisə oldu. Sonra dedim ki, “sən yeni nazirsən, mən də çox köhnə sayılmaram, amma sənə bir şey söyləyəcəm. Türkiyəyə bu cür yanaşmaq olmaz”. O da “söylə, nədir bizim yanaşmamız” dedi.
Dedim ki, “çox üst pərdədən gedirsiniz”. O isə “doğrudur, biz avropalılarda belə bir şey var” dedi. Oturduq, danışdıq, sonra da çox səmimi dost olduk.
15 iyul çevrilişə cəhd gecəsində də mənə ya ilk, ya da ikinci zəng edən insan oldu”.