"Mən Ermənistanın baş naziriyəm və bu danışıqlarda Ermənistan Respublikası adından iştirak etməyə hazıram. Ancaq mən Dağlıq Qarabağın xalqı adından danışa bilmirəm. Dağlıq Qarabağ xalqı Ermənistanda hakimiyyətin formalaşmasında iştirak etmir. Onların öz hakimiyyəti, öz hökuməti və prezidenti var. Qarabağı bu xalqı təmsil etmək səlahiyyətinə malik qanuni bir nümayəndə təmsil etməlidir. Bu, danışıqlardan imtina etməyimiz anlamına gəlmir, biz istənilən vaxt danışıqlara hazırıq. Ancaq Qarabağı onun nümayəndəsi təmsil etməlidir".
Dağlıq Qarabağ ətrafındakı işğal olunmuş yeddi Azərbaycan rayonu ilə bağlı suala cavab verən Paşinyan, "konstitusiyaya" görə onlar qondarma "DQR"nın bir hissəsidir.
"Biz deyirik ki, bu münaqişənin sülh yolu ilə həllinin mümkünlüyünü müzakirə etməyə hazırıq. Tez-tez soruşulur: Ermənistan hər hansı bir güzəştə hazırdırmı? Amma heç kim Azərbaycanın buna hazır olub-olmadığını soruşmur. Əgər Azərbaycan kompromisə hazırdırsa, biz də hazırıq. Hazır deyilsə, biz də hazır deyilik.
Məsələ kompromis olmadan həll edilə bilməz. Ancaq problem ondadır ki, hər gün Azərbaycan müharibə başlayacağı ilə təhdid edir, Yerevanın Azərbaycan şəhəri, Ermənistanın bütün ərazisinin isə Azərbaycan ərazisi olduğunu deyir. Belə şəraitdə biz kompromis barədə danışmaqdan imtina edirik. Əgər təhdidlər olan yerdə kompromislər barədə danışarıqsa, kimsə bunu zəiflik kimi qəbul edə bilər. Buna heç vaxt icazə verməyəcəyik", o deyib.
Xatırladaq ki, Moskvada erməni iş adamları ilə görüş ərəfəsində Ermənistanın Baş naziri Nikol Pashinyan bəyan edib ki, qondarma "DQR" gələcəkdə Ermənistan ərazisinin tam hüquqlu hissəsinə çevrilməlidir.