İslam Manafov: Azərbaycan Prezidentinin əfv Sərəncamı xalqımızın bayram əhval-ruhiyyəsini daha da yüksəldib | Eurasia Diary - ednews.net

27 May, Bazar ertəsi


İslam Manafov: Azərbaycan Prezidentinin əfv Sərəncamı xalqımızın bayram əhval-ruhiyyəsini daha da yüksəldib

Siyasət A- A A+

Prezident İlham Əliyevin “Məhkum edilmiş bir sıra şəxslərin əfv olunması haqqında” imzaladığı Sərəncamı Azərbaycan xalqının bayram əhval-ruhiyyəsini daha da yüksəldib.

Bu fikri AZƏRTAC-a açıqlamasında Türkiyədə yaşayan və çalışan, Azərbaycanın Əməkdar Artisti, görkəmli pianoçu İslam Manafov ifadə edib.

O deyib: “Yüksək mənəvi dəyərlərə malik olan Azərbaycan xalqı hər zaman qohum-qonşusunun evində sevinc olmasını istəyib. Novruz bayramı ərəfəsində belə bir humanist addımın atılması əfv olunan insanların, onların doğmalarının və qohumlarının evində ikiqat bayram sevinci yaradıb. Bütövlükdə xalqımız, eləcə də xaricdə yaşayan soydaşlarımız bu Sərəncamı alqışlayır”.

Prezident İlham Əliyev davamlı olaraq xalqımızın ümumi maraqlarına xidmət edən fərman və sərəncamlar imzaladığı qeyd edın İslam Manafov əminliklə ifadə edib ki, Prezident İlham Əliyevin rəhbərliyi ilə ölkəmizin sürətli inkişafı, o cümlədən ordumuzun qüdrətlənməsi, həyata keçirilən uğurlu siyasət nəticəsində tezliklə Ermənistan-Azərbaycan Dağlıq Qarabağ problemi də ədalətli həllini tapacaq və dövlətimizin başçısı işğaldan azad olunan torpaqlarımızın bərpası üçün fərman və sərəncamlar imzalayacaq.

AZƏRTAC

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...