“Əməkhaqqı və pensiya bundan sonra da qaldırılacaq” - Prezident - VİDEO - FOTOLAR | Eurasia Diary - ednews.net

24 May, Cümə


“Əməkhaqqı və pensiya bundan sonra da qaldırılacaq” - Prezident - VİDEO - FOTOLAR

Siyasət A- A A+
“Ölkədə minimum əməkhaqqının və minimum pensiyanın təxminən 40 faiz qaldırılması önəmli addımdır. Ancaq onu da deməliyəm ki, bu artım böyük olsa da, bizi qane edə bilməz”
 
Eurasia Diary-nin məlumatına görə, bunu Prezident İlham Əliyev Bakının Suraxanı rayonunun Qaraçuxur qəsəbəsində əsaslı şəkildə yenidən qurulan Neftçilər parkı ilə tanış olarkən sakinlərlə söhbətində bildirib. 

Prezidentin sözlərinə görə, Azərbaycanda maaşlar və pensiyalar bundan sonra da qaldırılacaq: “Müvafiq göstərişlər verildi. İndi hökumətdə iş aparılır. Bizim indi maliyyə imkanlarımız artır. Ölkəmizdə aparılan ciddi iqtisadi islahatlar bizə əlavə gəlirlər gətirir. Bu ilin əvvəlindən kifayət qədər böyük bir rəqəm artıq büdcəyə daxil oldu. Və mənim göstərişimlə əlavə yığılan büdcə gəlirləri ilk növbədə, vətəndaşların sosial müdafiəsinə, o cümlədən maaşların, pensiyaların artırılmasına istiqamətləndirilməlidir. 

Baxmayaraq ki, biz mart ayında bu qərarı qəbul etdik. Və aprelin əvvəlindən sosial müavinətlərin artımı qüvvəyə mindi. Burada da orta hesabla 2 dəfə sosial müavinətlər artırılıb və 600 minə yaxın insan bu proqramla əhatə olunub. Bu istiqamətdə işlər davam etdiriləcək. Minumum əməkhaqqı, minumum pensiya Azərbaycanda bundan sonra da qaldırılacaq ki, vətəndaşlar daha da yaxşı yaşasınlar”. 

***

Bu gün Prezident İlham Əliyev və birinci xanım Mehriban Əliyeva Bakının Suraxanı rayonunun Qaraçuxur qəsəbəsində yenidən qurulan Neftçilər parkında yaradılan şəraitlə tanış olarkən burada istirahət edən sakinlərlə görüşüblər.

Dövlət başçısı və birinci xanım sakinlərlə söhbət ediblər. 

Sakinlər Prezident və birinci xanımla fotolar, o cümlədən selfi çəkdiriblər.

Görüşdən fotoları təqdim edirik:

1

1

1

1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...