Ukraynada bu gün prezident seçkilərinin ikinci turu keçirilir. 31 Martda keçirilən seçkilərin birinci turundakı nəticələrə görə ən çox səs toplayan iki namizəd Vladimir Zelenski və Petro Poroşenko prezident seçkilərinin ikinci turuna keçib.
Bu gün baş tutan seçkilərdə Ukrayna xalqı adı çəkilən namizədlərdən birini ölkə başçısı seçəçək. Xarici ölkələrdə olan Ukrayna vətəndaşları həmin ölkələrdə yerləşən səfirliklərdə təşkil olunan seçki məntəqələrində öz səslərini verə biləcək. Bu gün, Eurasia Diary Ukraynanın Azərbaycanda yerləşən səfirliyində olub və komitənin sədri İlqar Həsənovdan səsvermə ilə bağlı məlumat əldə edib.
"Bu turda keçən tura nisbətən daha çox seçici qeydiyyatdan keçib. Beləki, Ukrayna Mərkəzi Seçki Komitəsinin bizə təqdim etdiyi siyahı üzrə 367 vətəndaş seçkilərdə iştirak edə biləcək", komitə sədri bildirib.
Saat 12:30-a olan statistikaya görə artıq 137 nəfər səs verib. İlqar Həsənov prosesi izah edərkən bildirib ki, səslər səfirlikdəki təşkil edilən komitədə komissiya üzvlərinin yarısından çoxunun iştirakı ilə hesablanır və Ukrayna Mərkəsi Seçki komitəsinə göndərilir.
Komitə sədri keçən səsvermənin nəticələrini bizə açıqlayıb. Seçkilərin birinci turunda siyahı üzrə 285 nəfərdən 175-i səsvermədə iştirak edib, bu turda Azərbaycanda səs verən Ukrayna vətəndaşlarının 65 nəfəri Poroşenkoya və 43 nəfəri isə Zelenskiyə səs verib.
Bütövlükdə, Ukraynadan xaricdə təşkil edilən komitələrdəki səslər ümumi səsvermənin təxminən 0.4%-ni əhatə edir.
Komitə sədri bildirib ki, Bugünkü seçkilərdə heç bir problemli hal qeydə alınmayıb, komitə sədri bildirib. Seçicilər səfirliyin girişində yerləşən stenddən səsvermə qaydaları ilə tanışa ola bilər və bundan əlavə namizədlər barədə məlumatların qeyd olunduğu lövhədən yararlana bilərlər.
Ülvi Əhmədli