Bu gün Bakıda 5-ci Ümumdünya Mədəniyyətlərarası Dialoq Forumu start götürüb. ISESCO-nun Baş direktoru Əbdüləziz bin Osman əl-Tuveycri forum zamanı dünyada baş verən iğtişaşlara toxunub.

Eurasia Diary-nin verdiyi xəbərə görə, ISESCO-nun Baş direktoru dünyada sülh üçün təhdid sayılan əsas problemlərə diqqət çəkib. O, dünyada nifrətin artdığını deyib.

Əl-Tuveycri, "Əsas məsuliyyət ziyalıların üzərinə düşür. Müxtəlif dillər, mədəniyyətlər, dinlər arasında əlaqə qurmaq lazımdır.

"İdeyalar arasında gözəl bir əlaqənin mövcudluğu dünyamızı daha fərqli edir", Əl-Tuveycri deyib.

ISESKO-nun baş direktoru dinc dünyaya zərbə vuran qorxu, xəyanət, yoxsulluğun artması ilə bağlı narahatlığını dilə gətirib.

Digər tərəfdən, supergüclərin bir-biri ilə savaşdığını və bir-birini günahlandırdığını düşünür. Bütün bunlar beynəlxalq sülhə zərbə vurur.

"Biz müxtəlif dinlərə, irqlərə hörmət etməliyik, onları hörmətlə qəbul etməliyik" - ISESCO-nun Baş direktoru dünyanı tolerantlığa çağırıb.

O, insanların məsuliyyət daşımadığı şeylərdən əziyyət çəkdiyini vurğulayıb. "Dinlər sülhü və mərhəməti təbliğ edir, heç bir din təcavüzü təbliğ etmir". Bəzən terrorizm dinlə əlaqələndirilir, əl-Tuveycri terrorun dininin olmadığını qeyd edib.

O, dünya liderlərinin bu dövrdə siyasi iradə nümayiş etdirməsinin vacibliyini və Prezident İlham Əliyevin bu məsələdə nümunəvi mövqeyini vurğulayıb. Əbdüləziz bin Osman əl-Tuveycri həmçinin, Azərbaycanın sərhəd bütövlüyünü dəstəklədiyini və torpaqların hüquqi sahiblərinə qaytarılmasına ümid etdiyini bildirib.