Mayın 2-də, Bakıda mədəni müxtəliflik, zorakılıq, münaqişələr kimi qlobal problemlərin müzakirəsi üzrə 5-ci Mədəniyyətlərarası Dialoq Forumu start götürdü.
BMT-nin Sivilizasiyalar Alyansının (UNAOC) ali nümayəndəsi Migel Angel Moratinos, Sosial və İnsan Elmləri (UNESCO) üzrə Baş direktorun köməkçisi Nada Əl-Naşif, İslam Əməkdaşlıq Təşkilatının Baş katibi Yusif bin Əhməd Əl-Osaymin və Avropa Şurasının Baş katibin müavini Qabryella Battaini-Draqoni müzakirələrdə iştirak edib.
Migel Angel Moratinos Bakıda olmağına görə məmnunluğunu ifadə etdi. O, Forumun adının dünyaya açıq bir mesaj verdiyini düşünür.
Moratinos qlobal problem olan terrorizmə diqqət çəkib. "Mən Bakıya Şri-Lankadan gəlmişəm, orada iştirakçısı olduğum konfransda baş nazirə və Şri-Lanka xalqına başsağlığı verdim, ekstremistlərin 3 kilsəyə hücumu nəticəsində 200-dən çox adam öldü, belə hücumlardan bir neçə ay əvvəl Kaliforniyada bir sinaqoqa və Yeni Zelandiyadakı məscidə edilmişdi. Biz başqalarının ölümü ilə nəticələnən nifrət hissini azaltmalıyıq".
Moratinos çıxışının yekununda Bakının Mədəniyyətlərarası Alyansın regional mərkəzi ola biləcəyini bildirdi. O, yeni alyanslar yaratmağın və bununla yaşamağın vacibliyini vurğuladı.
Yusif bin Əhməd mədəniyyətlərarası dialoqun əhəmiyyətindən danışdı. O, bu cür tədbirlərin gərginliyin azalmasına, beynəlxalq sülhə təhdidlərin aradan qaldırılmasına xidmət etdiyini vurğuladı. İslam Əməkdaşlıq Təşkilatının baş katibi, mədəniyyətlərarası dialoqun vacibliyini və bütün ölkələrin bu istiqamətdə səylərini birləşdirmələri lazım olduğunu söylədi. O, Prezident İlham Əliyevin həmişə mədəniyyətlərarası dialoqun gücləndirilməsinə dair öz öhdəliklərini nümayiş etdirdiyini vurğuladı və Foruma uğurlar arzuladı.
Nada əl-Şərif belə tədbirlərin beynəlxalq təşkilatların rəsmilərinin müzakirəsini təşkil etmək baxımdan vacib olduğunu vurğuladı. O, tolerantlıq, mədəni müxtəliflik üçün təhlükələrə diqqət çəkib.
"Biz beynəlxalq azadlığın itirilməsi ilə nifrət, dözümlülük və cahilliklə üzləşirik", - Nada əl-Şərif bildirib. O, həmçinin son onilliklərdə dünyanın ən böyük deportasiya böhranı ilə üzləşdiyini vurğuladı.
YUNESKO-nun rəsmi nümayəndəsi deyib ki, "Bizim məqsədimiz insan haqları və qarşılıqlı hörmət əsasında müsbət dəyişikliklərə yalnız tolerantlığı deyil, həm də empatiyanı daxil etməkdir.
O, bu cür qərarların müsbət istiqamətlərin formalaşdırılması və DİM və YUNESKO-nun hədəflərini ehtiva etməklə hər kəs üçün daha davamlı gələcək yaratmağa xidmət etdiyini deyib.
Avropa Şurasının Baş katibinin müavini Qabriella Battaini-Draqoni Azərbaycanı yalnız bu cür tədbirin keçirilməsinə görə deyil, həm də Bakı prosesinin uğuruna görə təbrik etdi.
Qabriella Battaini-Draqoni Avropa Şurasının dünyada mədəniyyətlərarası və sivilizasiyalararası dialoqa, gənclərin maarifləndirilməsinə və digər sahələrdə çalışdığını və Bakı Forumunun böyük əhəmiyyətə malik olduğunu vurğuladı. O, bu məqsədlərə nail olmaq baxımından Bakı Forumunun vacibliyini bir daha vurğuladı.
