Gürcülər Bakının ortasında təxribat törətdi - FOTO | Eurasia Diary - ednews.net

26 May,


Gürcülər Bakının ortasında təxribat törətdi - FOTO

Siyasət A- A A+

Bakıda iki nəfər şəxs  təxribat törədib.

Eurasia Diary Oxu24.com-a istinadən  xəbər  verir ki, gürcü idmançı  olduqları ehtimal edilən iki nəfər şəxs təxribat xarakterli plakat qaldıırblar.

Plakatda Azərbaycanın tarixi ərazisi olan və son günlər gürcülər tərəfindən ərazi iddiası olunan Keşikçi dağla bağlı şüar yazılıb.
"David Gareja Gürcüstanındır" yazılan plakat sosial şəbəkələrdə paylaşılıb.

Xatırladaq ki, ötən həftə  Azərbaycan Xarici İşlər Nazirliyi Keşikçi Dağı Məbəd-Kompleksinə girişin məhdudlaşdırılması ilə bağlı Gürcüstan kütləvi informasiya vasitələrində yayılan məlumatlara münasibət bildirib.

Nazirliyin mətbuat katibi Leyla Abdullayeva  açıqlamasında deyib ki, Keşikçi Dağı (David Qareci) Məbəd-Kompleksi Azərbaycan-Gürcüstan dövlət sərhədinin keçdiyi təpələr sırası boyunca, təxminən, 25 kilometr məsafədə səpələnmiş bir çox tarixi, memarlıq və dini obyektlərdən ibarətdir və həmin kompleks təpələr sırası ilə iki hissəyə bölünür.

"Azərbaycanla Gürcüstan arasında dövlət sərhədinin delimitasiyası beynəlxalq təcrübədə tətbiq edilən qaydalara uyğun olaraq, qarşılıqlı əlaqələndirmə proseduraları əsasında mövcud ikitərəfli formatlar çərçivəsində həll olunur. Azərbaycan həmişə Azərbaycan-Gürcüstan sərhədinin tezliklə delimitasiya olunmasının tərəfdarı olub. Azərbaycan bu prosesi ən qısa müddət ərzində başa çatdırmağa hazırdır", - o qeyd edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...