Təl Əviv Universitetinin Kantor Mərkəzinin may ayında yayımladığı antisemitizmlə əlaqədar yeni bir hesabatda gəlinən nəticə şok edicidir. Avropa Yəhudi Konqresinin sədri Moşe Kantor hesabatı şərh edərkən, bir çox Avropa ölkəsində yaşayan yəhudilərin təhlükəsizliyi və onların cəmiyyətdəki vəziyyəti ilə bağlı narahatlıqları olduğunu dilə gətirdi. Hesabata görə, 2018-ci ildə yəhudilərə qarşı törədilmiş antisemist hadisələrdə son bir neçə on ildə olduğundan daha çox yəhudi öldürülüb.
Kantor, "Antisemitizm, Avropada yəhudilərin yaşamını davam etdirməsini sual altında qoyan həddə çatıb", deyə bildirib. Avropa İttifaqının Əsas Hüquqlar üzrə Agentliyin məlumatına görə, AB-də yəhudilərin yüzdə 38%-i Avropanı tərk edib, çünki təhlükəsizlikləri üçün qorxurlar.
Yəhudi dininə, millətinə, dəyərlərinə, mədəniyyətinə və yəhudi xalqına qarşı düşmən əməllər törədən ölkələrdən biri də Ermənistandır.
Ermənistanda hakimiyyət orqanları faşist, general Qaregin Njdeni milli qəhrəman elan ediblər və ona heykəl qoyublar. Heykəldən əlavə, Ermənistanın paytaxtı İrəvanda meydan və metro stansiyasına da Njdenin adı verilib və onun fəaliyyəti haqda erməni məktəblərində uşaqlara geniş şəkildə tədris olunur. Njde, Vermaxtın "erməni lideri" kimi faşistlərlə əməkdaşlıq edirdi. Onlar, yəhudilərin və müqavimət hərəkatının döyüşçülərinin ölüm düşərgələrinə aparıldığı bir zamanda Krımda, Qafqazda və cənubi Fransada döyüşüblər. Müharibə cinayətləri və faşistlərlə əməkdaşlığına görə, Sovet məhkəməsi onu 25 il müddətinə azadlıqdan məhrum edib. Njdenin siyasi nəzəriyyələri faşistlərlə əməkdaşlığı kimi iyrənc idi.
O, Tseqakronizm adlı hərəkatın qurucusu idi və bu, "irqçiliyin daşıyıcısı" kimi tərcümə olunur. Bu, "klassik" erməninin mənəvi və bioloji mahiyyətini təmsil edir və daşıyır. Öz faşist həmkarlarının "ari - ali irq" barədə fikirlərini təkrar edərək, Njde insanları əsl milliyyətçi və qarışıq irqlərə (Hitler onları "cinsi olmayan irqlər adlandırırdı") və "barbar"lar adlandırdığı anti-millətçilərə ayırırdı. Bu nəzəriyyəyə əsasən, Ermənistanı 'ali irq' idarə etməlidir.
Hitleri xatırladan siyasi nəzəriyyələrlə kütləvi qətlləri törədənlər üçün abidə ucaltmaq, filmlər çəkmək: bunlar mədəni ölkələrə və insanlara xas cəhətlər deyil.
İkinci Dünya müharibəsinin dəhşətlərini unutmamalıyıq!
2014-cü ildə təşkil edilən, 100 ölkəni əhatə edən Beynəlxalq İstintaq Təşkilatının sorğusuna əsasən, respondentlərin 35% -i Holokost barədə heç vaxt eşitməyib. Holokost, işğal olunmuş sərhədlər daxilində təxminən altı milyon yəhudinin Adolf Hitlerin rəhbərlik etdiyi Nasist Partiyasının başçılığı altında faşist Almaniyası dövründə sistematik şəkildə həyata keçirilmiş soyqırımdır. 1933-cü ilin yanvarında Almaniyada hakimiyyətə gələn faşistlər, almanların "ali irq"ə mənsub olduqlarını iddia edir, yəhudilərə alçaldıcı münasibət göstərib, onları alman icmasına qarşı xarici təhdid hesab edirdilər. Holokost zamanı törədilən cinayətlər Avropa yəhudi icmalarının əksəriyyətini dağıtdı və işğal olunmuş Avropada minlərlə yəhudi cəmiyyətini tamamilə məhv etdi.
Təbriz Abbasov
Jewish journal, International Business Times, United States Holocaust Memorial Museum