“İŞİD” Terror qrupunun Azərbaycandakı tərəfdarları ilk təbliğat videolarını yayıblar.

Eurasia Diary “lenta.ru” saytına istinadən xəbər verir ki, həmin görüntülərdəki şəxslər qrupun liderinə biət andı edirlər.

Videomaterial barədə ilk məlumat “SITE Intellegence Group” saytı tərəfindən verilib.

Videoçarxda üzüniqablı və Kalaşnikov avtomatları ilə silahlanmış 3 şəxs görünür. Onlar İŞİD bayrağı fonunda çıxış edir, “tiranları” hədələyir və “xəlifə” Əbu Bəkr Əl-Bağdadiyə sadiq olacaqlarına and içirlər.

Cənubi Asiyada terrorizm üzrə ekspert Faran Cəfəri özünün Tvitter səhifəsində terrorçuların “Mömünlər üçün ən gözəl çıxış yolu” adlı videoçarx seriyasını yayınladığını xəbər edib.

Burada İŞİD-in müxtəlif ölkələrdən olan tərəfdarları üzlərini kamerya doğruldaraq liderlərinə biət edir və sadiq qalacaqlarını bildirirlər.

Qeyd edək ki, bu ilin aprel ayının 29-da İŞİD terror təşkilatının media qurumu hesab edilən “Al Furqan” 5 il fasilədən sonra yenidən təşkilatın lideri Əl Bağdadinin görüntülərini yaydı.

Bağdadi videoda İŞİD səflərində vuruşub “şəhid” olanları və Şri-Lankadakı terror aktında iştirak edənləri salamladı. Videoda həmçinin Bağdadinin İŞİD-ə dair hesabatları incələdiyi görülürdü.

Maraqlıdır ki, Bağdadinin incələdiyi raportlardan birinin üzərində “Qafqaz vilayəti” yazılmışdı.

Bu videodan 3 ay sonra bu dəfə də İŞİD-in azərbaycanlı tərəfdarlarının videsunu paylaşması İŞİD-in Qafqazda və ya birbaşa Azərbaycanda ciddi sosial bazasının olması ehtimallarını özündə ehtiva edir.

Bir fakta da diqqət yetirmək lazımdır ki,  Qafqaz regionunda və Azərbaycanda İŞİD-lə eyni dini ideologiyadan olan minlərlə (vahabizm və sələfilik) insan var.

Avropada təhlükəsizlik məsələləri üzrə ekspertlərin əksrəiyyəti bu ideologiyanın daşıyıcılarını "passiv terrorist" adlandırır.

#Azerbaïdjan renouvellement d’allégeance à 3 à Abou Bakr al-Baghdadi #EI une première depuis ce pays & menace contre le gouvernement pic.twitter.com/1zuUR8gtKL

— Wassim Nasr (@SimNasr) 2 July 2019