Fərman Salmanovun heykəli qoyulacaq, iki tələbəyə “Fərman Salmanov adına təqaüd” veriləcək - SƏRƏNCAM | Eurasia Diary - ednews.net

21 İyul,


Fərman Salmanovun heykəli qoyulacaq, iki tələbəyə “Fərman Salmanov adına təqaüd” veriləcək - SƏRƏNCAM

Siyasət A- A A+

Prezident İlham Əliyev Fərman Salmanovun xatirəsinin əbədiləşdirilməsi haqqında sərəncam imzalayıb.

Eurasia Diary-nin xəbərinə görə, sərəncama əsasən, Azərbaycan Dövlət Neft və Sənaye Universitetində təhsil alan, xüsusi istedadı ilə fərqlənən 2 nəfər tələbə üçün “Fərman Salmanov adına təqaüd” təsis edilir.

Nazirlər Kabineti Şəmkir şəhərində Fərman Salmanovun heykəlinin ucaldılmasını təmin etməli, Şəmkir rayonunda təhsil aldığı ümumi təhsil müəssisəsinə Fərman Salmanovun adının verilməsini təmin etməli, bu sərəncamın 1-ci hissəsi ilə təsis edilən adlı təqaüdün verilməsi qaydasını iki ay müddətində müəyyən edib Azərbaycan Respublikasının Prezidentinə məlumat verməli, bu sərəncamdan irəli gələn digər məsələləri həll etməlidir.

Qeyd edək ki, F. Salmanov Qərbi Sibirin Tümen vilayətində nəhəng neft və qaz yataqlarını kəşf etmiş məşhur azərbaycanlı geoloq, görkəmli alim, geologiya-mineralogiya elmləri doktoru, Rusiya Elmlər Akademiyasının müxbir üzvü, Sosialist Əməyi Qəhrəmanıdır. Hazırda Surtuq hava limanı onun adını daşıyır.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...