Prezident Əliməmməd Nuriyevlə bağlı sərəncam verdi | Eurasia Diary - ednews.net

18 Sentyabr, Çərşənbə


Prezident Əliməmməd Nuriyevlə bağlı sərəncam verdi

Siyasət A- A A+

Prezident İlham Əliyev Azərbaycan Respublikası Milli Məclisinin II çağırış deputatı, “Konstitusiya” Araşdırmalar Fondunun prezidenti, Prezident yanında Əfv Komissiyasının üzvü Əliməmməd Nuriyevi "Azərbaycan Xalq Cümhuriyyərinin 100 illiyi (1918-2018)" yubiley medalı ilə təltif edib.

Eurasia Diary xəbər verir ki, bu barədə Ə.Nuriyev özü məlumat verib.

"Bu gün Azərbaycan Respublikasının Prezidenti, cənab İlham Əliyevin imzaladığı Sərəncamla təltif olunduğum “Azərbaycan Xalq Cümhuriyyətinin 100 illiyi” medalı təqdim olundu. Bu təltifə görə cənab Prezidentə təşəkkür edirəm. 

Azərbaycan Xalq Cümhuriyyəti xalqımızın ən böyük uğur hekayəsidi. Bu gün də bu uğur hekayəsi davam edir. 

Uzun əsrlərdən bəri xaqlımızın azadlıq yanğısı, müstəqillik arzusu, qurub-yaratmaq, dövlətçilik potensialı Azərbaycan Xalq Cümhuriyyətinin timsalında, xalqımızın zəngin, mədəniyyətinə, milli ənənələrinə, möhtəşəm tarixinə layiq formada reallaşdı. Azərbaycan Xalq Cumhuriyyəti milli olduğu qədər bəşəriydi və o zaman üçün insan hüquq və azadlıqları, unversal dəyərlər, tərəqqipərvər amallar mükəmməl formada və real məzmunda Cumhuriyyətimizin fəaliyyətində əksini tapmışdı.

Çox xöşbəxtəm ki, dövlət müstəqilliyimizin bərpası prosesində fəal iştirakçı olmuşam, bu gün dövlət quruculuğu, dövlətçiliyimizin möhkəmlənməsində mümkün olan töhfəni verməyə çalışıram. Cümhuriyyətlə bağlı medalı ilə təltif olunmağım üzərimə əlavə məsuliyyət qoyur və yeni güc verir. Bu gün “Azərbaycan Xalq Cümhuriyyətinin 100 illiyi” medallarının təqdim olunması qürur verir. Allah Azərbaycanımızı qorusun!", - deyə Ə.Nuriyev bildirib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...