“Göyçə gölü(işğalçı ermənilər “Sevan” deyir-S.L.) problemindən istifadə edən Ermənistan hakimiyyəti xaricdən pul vəsaiti cəlb etməyə çalışır”.
Eurasia Diary moderator.az-a istinadən xəbər verir ki, bunu işğalçı ölkənin "Jamanak" qəzeti yazır.
"Göyçə gölünün problemini hakimiyyət orqanlarının səhlənkarlığı - nəzarət olunmayan kanalizasiya axınları, gölün sahillərinin təmizlənməməsi, kütləvi balıq və xərçəng ovlanılması, süni yetişdirilən balıqlar sayəsində suda fosfor və azot səviyyəsinin artması ilə deyil, birbaşa qlobal ekoloji fəlakət - iqlim dəyişikliyinin nəticəsi olaraq təqdim etməyə cəhd olunur. Nyu-Yorkda baş nazirin müavini Tiqran Avinyan tərəfindən "Sevanı itirə bilərik” bəyanatının verilməsi də məhz bu məqamla bağlıdır. Yəni, sadəcə, demək istəyirlər ki, pul verin, Göyçəni xilas edək "- erməni qəzeti belə yazır.
