Milli Məclisin deputatı, Böyük Quruluş Partiyasının başqanı Fazil Mustafa bu gün İranın Azərbaycandakı səfiri Cavad Cavadzadə ilə görüşüb.
Eurasia Diary xəbər verir ki, səmimi, qeyri-rəsmi ortamda keçirilən görüş əks etdirən fotoşəkili F.Mustafa özünün feysbuk hesabında paylaşıb.
“Bu gün İranın Azərbaycandakı səfiri Cavad Cahangirzadənin dəvəti ilə çay süfrəsi arxasında bölgədəki durum, Azərbaycan-İran münasibətləri, Dağlıq Qarabağ mıəsələsi, turizm əlaqələri və sərhədyanı ticarət mövzularında ətraflı və səmərəli fikir mübadiləmiz oldu. Xüsusilə bölgədə hərbi gərginliyin atmasının hər iki ölkə üçün mümkün zərəli nəticələr doğura bilməsi ehtimalına diqqət yetirdik. Öz ölkəmizin maraqlarını ifadə etmək, qonşu ölkənin qayğılarını anlamaq baxımından faydalı bir görüş olduğunu düşünürəm”, - deyə F.Mustafa yazıb.
Qeyd edək ki, səfir Cavad Cavadzadə Azərbaycan türküdür.