Türkiyədəki aeroportlarla Azərbaycanın Naxçıvan bölgəsindəki hava limanı arasında birbaşa hava dəhlizinin açılması üçün işlər başa çatdırılıb.
“Anadolu Ajansı”nın verdiyi xəbərə görə, bunu Türkiyə Hava Limanları Baş İdarəsinin rəhbəri Hüseyn Kəskin deyib.
H.Kəskin bildirib ki, hava dəhlizi bu il avqustun 15-də açılacaq.
O, qeyd edib ki, bununla bağlı razılaşma Hava Limanları Baş İdarəsi ilə Beynəlxalq Mülki Aviasiya Təşkilatı arasında danışıqlardan sonra əldə olunub:
“Bununla da, əvvəllər İran və Ermənistan üzərindən həyata keçirilən reyslər birbaşa dəhliz vasitəsilə baş tutacaq”.