Atambayev çevrilişə hazırlaşıb, xüsusi təyinatlı onun silahı ilə öldürülüb - RƏSMİ | Eurasia Diary - ednews.net

18 Oktyabr, Cümə


Atambayev çevrilişə hazırlaşıb, xüsusi təyinatlı onun silahı ilə öldürülüb - RƏSMİ

Siyasət A- A A+

Qırğızıstanın keçmiş Prezidenti Almazbek Atambayev dövlət çevrilişinə hazırlaşıb.

 Eurasia Diary “RİA Novosti”yə istinadan xəbər verir ki, bunu Qırğızıstan Dövlət Milli Təhlükəsizlik Komitəsinin sədri Orozbek Opumbayev mətbuat konfransında deyib.

“Mən bunu açıq şəkildə bəyan edirəm! Ona dövlət çevrilişini həyata keçirmək üçün qan tökmək lazım idi”, - o deyib

O.Opumbayev qeyd edib ki, eks-prezident öz iqamətgahında toqquşmalara hazırlaşıb:

“Onun evində böyük silah anbarı, o cümlədən, snayper tüfəngləri, tapançalar tapılıb. Xüsusi təyinatlı Atambayevin evinə hücum edərkən eks-prezidentin silahı ilə öldürülüb”.

Xatırladaq ki, Qırğızıstanın xüsusi təyinatlı bölmələri avqustun 7-də A.Atambayevin saxlanılması üzrə əməliyyata başlayıb. Əməliyyat eks-prezidentin Koy-Taşdakı iqamətgahında aparılıb.

Hücum zamanı 136 nəfər xəsarət alıb, bir xüsusi təyinatlı həyatını itirib. A.Atambayev avqustun 8-də saxlanılıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...