"Güman etmirəm ki, Gürcüstan hökumətindəki dəyişikliklər Azərbaycana təsir etsin. Gürcüstan hakimiyyəti mülkiyyətli komandadır, kapitalın ətrafına toplaşmış oliqarxların toplantısıdır, hədəfləri daha çox kapitalın idealogiyasına köklənən bir zümrədir".

Eurasia Diary xəbər verir ki, bunu politoloq Zəlimxan Məmmədli Gürcüstan hökumətindəki son dəyişikliklərə münasibət bildirərkən deyib.

Onun sözlərinə görə, Gürcüstan prezidenti S.Zurabaşvili dəyişməsə, indiki hökümətin radikal dəyişiklik etməsi mümkün deyil.

"Ölkədə hakimiyyət böhranı var və bu böhran get-gedə dərinləşir. Hökumət qurulur, lakin ziddiyyətli anlar var, hələ bu hökumət təstiqlənməyib. Hökumətə qarşı ciddi etirazlar var. Ola bilsin ki, bu təstiqlənmə də baş tutmasın, çünki ictimai müqavimət var, müxalifət yetgil olaraq bu formanın əlehinədir. Bu səbəbdən hakimiyyət böhranı Gürcüstanda gələn il keçiriləcək parlament seçkilərinə qədər davam edəcək və yeni nəfəs, yeni idealoji düşüncə, yeni platforma gəlməsə, indiki hakimiyyətdən daha yaxşı dəyişikliklər gözləmirəm", -deyə Z.Məmmədli bildirib.

Leyla Qəniyeva