"Uzun illərdir ki, ermənilər işğal etdikləri Azərbaycan topaqlarında - təkcə Qarabağda deyil, eyni zamanda, işğal altında olan yeddi rayonda da qanunsuz məskunlaşmalar aparırlar. Dünyanın müxtəlif yerlərindən, xüxusilə Yaxın Şərqdən erməniləri köçürüb, bizim ərazilərimizdə məskunlaşdırırlar".

Eurasia Diary xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə komitəsinin üzvü, deputat Elman Məmmədov bildirib.

Onun sözlərinə görə, Azərbaycan tərəfi bu işlərlə bağlı ən yüksək səviyyədə məşğul olacaq, bunun qarşısını ala biləcək bütün beynəlxalq qurumlara öz etiraz bəyanatını göndərir ki, bu qanunsuz məskunlaşmaların qarşısı alınsın. 

"Lakin, bunun qarşısını alan yoxdur. Bunu etsə, yalnız Azərbaycan xalqı özü edəcəkdir. Biz Qarabağa köçürülən erməniləri də, qeyri-qanuni qurumları da məhv edib, öz ərazi bütövlüyümüzü təmin edəcəyik. Lakin düşmən hələ ki, bu məskunlaşmanı davam etdirir və bu ərazilərdə infrastruktur yaradırlar, evlər tikir, yollar çəkirlər və eyni zamanda da qaz xətti çəkirlər. Düşmən belə güman edir ki, bu əraziləri işğal ediblər və bu ərazilər onlara qalacaqdır. Bu səbəbdən onlar arxayın bu işləri görürlər. Düşmən kimə və nəyə əmindir? Dünyanın bu gün haqsızlıqla, ədalətsizliklə idarə olunmasına əmindirlər. Beynəlxalq hüququn gücü yoxdur, gücün hüququ var. Kim güclüdürsə, hüquq onun tərəfindədir. Hər hansı dövlət bunları qoruyur, işğalçını dəstəkləyirlər, müdafiə edirlər.

Birləşmiş Millətlər Təkilatı susur, özünün məlum qətnamələrini 30 ilə yaxındır bu işğalçı dövlətə qəbul etdirmir. Əslində "etdirə bilmirlər" desək, yalan olar. Çünki istəsə, bir saata etdirər. Beynəlxalq təşkilatların bu işğala laqeyd münasibətinə, həmsədr dövlətlərin bu işğala dəstək verməsinə, işğalçını müdafiə etməsinə güvənərək, işğal etdikləri Azərbaycan torpaqlarında qaz da çəkirlər, yol da çəkirlər, məskunlaşmalar da edirlər. Onlar Azərbaycana xalqına, Azərbaycan tarixinə aid nə varsa məhv edirlər. Azərbaycanın izini itirib, öz izlərini yaradırlar. Mən bir dəfə demişəm, bir daha təkrar edirəm ki, bunun qarşısını almaq üçün heç bir danışığa, heç bir barışığa, heç bir həmsədr dövlətə arxayın olmadan Azərbaycan artıq öz ərazi bütövlüyünü təmin etmək üçün mövcud gücündən istifadə etməlidir. Bu bizim hüququmuzdur və biz bunu edəcəyik, işğalçıları ölkəmizdən çıxaracağıq", - deyə Elman Məmmədov bildirib.

Leyla Qəniyeva