Azərbaycanda səfərdə olan "Beynəlxalq Rotary Klubu" 2430-cu bölgənin rəhbəri Mehmet Hakan Karaalioğlu Eurasia Diary-yə eksklüziv açıqlama verib.
O, vaxtilə baş direktoru olduğu Burç şirkətinin Bakı Aeroportunu yenidən qurulması ilə bağlı gördüyü işlərdən və Azərbaycanın o zamankı prezidenti, ümummilli lider Heydər Əliyevlə anlaşma imzalamasından danışıb:
“Azərbaycana ilk dəfə 1996-cı ildə gəlmişəm. Bakı Aeroportunun bərpa edilməsi zamanı rəhmətlik Heydər Əliyevlə müqavilə imzalamışıq. Aeroportun bərpa edilməsi prosesində 2 il müddətində Azərbaycanda fəaliyyət göstərmişəm. Ən böyük xoşbəxtliyim, Heydər Əliyevlə şəxsən görüşmək şərəfinə nail olmağımdır. Bu, mənim üçün böyük qürurcerici hadisədir. Xüsusilə, aeroportun birinci hissəsinin bərpa edilməsi zamanı bunun Türkiyə şirkəti tərəfindən həyata keçiriliməsinin düzgün olduğunu düşündük. Allah rəhmət eləsin, qəbri nurla dolsun, hörmətli Heydər Əliyevə bu mövzu ilə bağlı məlumat verildiyində, ondan icazə almaq lazım idi, çünki bu iş ölkə ilə bağlı çox mühüm bir şeydir. Çünki aeroportlar ölkənin xarici ölkələrə əlaqə vasitələridir. Heydər Əliyevlə İstanbulda görüşdüyümüz zaman layihəni ətraflı şəkildə təqdim etdik. Layihə barədə geniş məlumat verdikdən sonra Heydər Əliyev razılıq bildirdi. Həm Avropa Mərkəzi Bankı, həm də Türk Eksim Bankından maliyyə dəstəyi alaraq layihəni, eyni zamanda layihə ilə bağlı olaraq nəzarət qülləsini inşa etdik. Bunu həyata keçirdiyimiz layihədə Burç şirkəti və Enka şirkəti ortaq şəkildə işləyirdik. Mən, Burç şirkətinin baş direktoru idim və biz ortaq fəaliyyətimiz nəticəsində aeroportu inşa etdik. Mən bu prosesin böyük hissəsini Azərbaycanda keçirdim və digər əməkdaşlarla birlikdə böyük xidmət göstərməyə çalışdıq. Mən xoşbəxtəm və hal-hazırda görürəm ki, o zamanlar başladığımız fəaliyyətdən sonra Heydər Əliyev Beynəlxalq Aeroportu bütün dünyaya nümunə olacaq gözəllikdə bir aeroportdur".
Mehmet Hakan Karaalioğlu Azərbaycana gələn Türkiyə vətəndaşları üçün viza rejiminin aradan qaldırılmasını alqışladığını da bildirib:
"Türkiyə vətəndaşları olaraq viza rejimi olmadan Azərbaycana gəlmək imkanımız prezidentlərimizin bizə verdiyi böyük bir lütfdür. Dünən axşam sadəcə pasportumu göstərərək Azərbaycan ərazisinə daxil olmağım çox böyük bir imtiyazdır. Bu çox böyük bir xoşbəxtlikdir. Bu xoşbəxtliyi bizə yaşadanların hamısına çox böyük minnətdarlığımı bildirirəm. Bakı Aeroportunun qurulmasında zərrə qədər də olsa əməyim varsa, bu mənim üçün ən böyük qürür mənbəyidir. Mərhum prezidentimizdən sonra hal-hazırda cənab İlham Əliyevin liderliyi ilə Azərbaycanın həyata keçirdiyi fəaliyyət və əldə etdiyi nailiyyətlər qürurvericidir. Azərbaycanın dünya miqyasında fəaliyyətini görmək məni çox xoşbəxt edir. Türkiyədə yaşayan, amma ürəyi Azərbaycanla döyünən biri olaraq bu məni çox sevindirir".
Qeyd edək ki, Hakan Karaalioğlunun başçılıq etdiyi nümayəndə Fəxri Xiyabanda ümummilli lider Heydər Əliyevin və xanımı Zərifə Əliyevanın məzarlarını, Bakı Türk Şəhidliyini, Şəhidlər Xiyabanını və Atatürkün abidəsini ziyarət ediblər.
Təbriz Abbasov