İstanbuldan naxçıvanlıların kütləvi deportasiyası başlayıb - Azərbaycanlılara münasibət niyə sərtləşdi? | Eurasia Diary - ednews.net

15 Oktyabr, Çərşənbə axşamı


İstanbuldan naxçıvanlıların kütləvi deportasiyası başlayıb - Azərbaycanlılara münasibət niyə sərtləşdi?

Siyasət A- A A+

İki gündür ki, Türkiyənin İstanbul şəhərində qanunsuz işləyən Azərbaycan vətəndaşlarının deportasiyasına başlanılıb.

Eurasia Diary xəbər verir ki, bu barədə Gununsesi.org-a Türkiyədən Naxçıvana deportasiya olunan vətəndaşlar bildirib. Onların sözlərinə görə, illərdir ki, Azərbaycan, xüsusilə, Naxçıvan Muxtar Respublikasından olan on minlərlə insan qardaş ölkədə çalışıb.

Ancaq onlar etiraf edib ki, çalışma izinləri olmasa da  indiyədək toxunan olmayıb: “Bilirdilər və göz yumurdular. İndiyə qədər deportasiya etdikləri Türkiyəyə əxlaqsızlıq üçün gələnlər idi. İşləməyə gələnlərə dəymirdilər. Rəis “azərilərə toxunmayın” (Prezident Ərdoğanı nəzərdə tuturlar-red.) dediyi üçün bizə də göz yumurdular.  Ancaq vəziyyət dəyişib. Hamının yerini-yurdunu bilirlər. Gecəylə deportasiya edirlər. 2-3 min adamı yaxın günlərdə geri qaytaracaqlar”. 

“Hamı bilir ki, Naxçıvanda işsizlikdir. Necə olacaq, bilmirik” deyən Muxtar Respublika sakinləri həyatlarını taleyin axarına buraxdıqlarını bildirib.

Gununsesi.org-un araşdırmasına görə, Türkiyə 5 minə yaxın azərbaycanlıya bu ölkəyə girişi məhdudlaşdırıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...