"Paşinyan Los Angelesdə persona non grata elan olunmalıdır" - Yəhudi jurnalist | Eurasia Diary - ednews.net

20 Oktyabr,


"Paşinyan Los Angelesdə persona non grata elan olunmalıdır" - Yəhudi jurnalist

Siyasət A- A A+

22 sentyabr 2019-cu il, Los Ancelesə bir günlük səfəri zamanı və çoxdan gözlənilən görüşündə Ermənistanın Baş naziri Nikol Paşinyan Los Ancelesdəki Grand Parkda Cənubi Kaliforniyadakı erməni icması ilə görüşəcək. 

Ermənistan baş nazirinin Los Anceles şəhəri tərəfindən bu cür şərəfə layiq görülməsinə icazə verilməməlidir və bunun bir sıra səbəbləri var.

Ermənistanın nasist keçmişi; öz nasistlərini tərənnüm edərkən

Bir çox Avropa xalqlarının nasist keçmişi olsa da, əksəriyyəti bu keçmişi və onun iştirakçılarını qınayır və nasistlərin istənilən formada tərənnümündən yayınmağa çalışırlar. 

Ermənistan heç vaxt nasistlərə yardım edən və onları qoruyan, dəhşətli cinayətlərində fəal iştirak edən adamlarını qınamayıb. Bundan əlavə, Ermənistan onları tərənnüm edərək, irsini erməni uşaqlarına öyrədir, “Milli Qəhrəmanlar”ı kimi təqdim edirlər.

Anası yəhudi olan Los Angeles Bələdiyyə Başçısı cənab Garcetti və yəhudilərin daxil olduğu Los Angeles Şəhər Şurası, Nasist Njde və Dronun Ermənistanda böyük erməni qəhrəmanları kimi elan olunmasından narahat olmalıdırlar. Həmçinin, dünyadan 1915-ci ildə Osmanlı İmperiyası hakimiyyəti dövründə ermənilərə qarşı törədilən kütləvi qırğınların soyqırım kimi tanınmasını istəyən Ermənistan hökumətinin nasist hərbi cinayətkarlarını tərənnüm etməsi absurddur.

Armenia's Prime Minister Nikol Pashinyan Should Be Persona Non Grata in Los Angeles 2

Eric Garcetti, Los Angeles Bələdiyyə Başçısı

Ermənistanın təcavüz, işğal və etnik təmizlənmədə iştirakı

1991-94-cü illərdə Ermənistan silahlı qüvvələri Dağlıq Qarabağ bölgəsi də daxil olmaqla, Azərbaycan ərazisinin beşdə birini işğal etdi və 800 mindən çox azərbaycanlı mülki şəxsi zorla evlərindən və torpaqlarından qovub çıxardı. Ermənistanın özündən qovulan 250.000 azərbaycanlı ilə birlikdə, indiyədək öz torpaqlarına və yurdlarına dönə bilməyən azərbaycanlı qaçqınların sayı tezliklə bir milyona çatdı.

Ermənistan pis aktyordur

Ermənistan Rusiya və İranın yaxın müttəfiqidir, Suriyanı da dəstəkləyir.

2008-ci ildə açıqlanmış ABŞ-ın diplomatik teleqramına əsasən, Ermənistan hökuməti silahları İraqda fəaliyyət göstərən "Hizbullah" terror qruplaşmasına ötürən İran hərbi qüvvələrinə qanunsuz silah satışında iştirak edir; Onlar bu silahları ABŞ əsgərlərini öldürmək və yaralamaq üçün istifadə ediblər.

Bundan əlavə, Ermənistan İrana ABŞ və beynəlxalq bank sanksiyalarından yaxa qurtarmağa kömək etdi.

Armenia's Prime Minister Nikol Pashinyan Should Be Persona Non Grata in Los Angeles 3

 Los Ancelesdəki Grand Park

Beləliklə, sual yaranır ki, Los Anceles Şəhər Şurası və Dairəsi ABŞ-dan daha çox Rusiyanın tərəfdaşı və açıq-aydın pis aktyor olan Ermənistanın baş naziri Nikol Paşinyanın ABŞ-da ictimaiyyətə açıq olan bir məkanda mitinq keçirməsinə nə üçün imkan verir? 

Nurit Greenger - "Məqalə NewsBlaze-də dərc olunub"

2006-cı il ikinci Livan müharibəsi zamanı xüsusi müxbir kimi çalışan Nurit Greenger, aktivist olmaq zərurətini hiss etdi. Fərqli düşüncəyə malik Nurit yəhudilərin, İsrailin, ABŞ-ın və bütövlükdə Azad Dünyanın sadiq müdafiəçisidir.  

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...