“Dostum qumdan azca əlində yuyub ələməyə çalışdı və 15 dəqiqə sonra ovcunda parlayan qızıl dənəciklərini göstərdi…”
Erməni blogerlərdən biri Azərbaycanın işğal altındakı Kəlbəcər rayonuna növbəti səfəri haqda yazıb.
Eurasia Diary xəbər verir ki, Rusiya mediasının yaydığı məlumata görə, materialda əsasən Kəlbəcər dağlarının füsunkar mənzərələrindən, adi bulaqlarından, mineral və qeyzer sularından, eləcə də bu yerin torpağının, daşının qızılla, digər qiymətli metallarla zənginliyindən bəhs edilir.
“Bu işdə anlayışı olan bir dostum deyir ki, Kəlbəcər dağlarından axan çayların sahilindəki qumu adi bir ləyəndə yuyub-ələsən, gündə 80-100 dollarlıq qızıl əldə edərsən. Qumun içindəki qızıl kiçicik dənələr şəklində olur. Dostum nümunə üçün gəzdiyimiz çayın sahilindəki qumdan azca götürüb əlində yuyub-ələməyə çalışdı və 15 dəqiqə sonra ovcunda günəşin altında parıldayan qızıl dənəciklərini mənə göstərdi… Dağlardan axan çay (xüsusən güclü yağışlar zamanı) illərlə süxur parçalarını oyur və sonra onların qiymətli hissəcikləri çayın sahili boyu çökür…”- dağlarımızı sərbəst gəzən erməni belə yazır. (moderator.az)
