Erməni zabiti Xocalıdakı cinayətləri gizlətməyə çalışdı - Ermənisayaq "etiraf" - VİDEO | Eurasia Diary - ednews.net

7 Aprel, Çərşənbə axşamı


Erməni zabiti Xocalıdakı cinayətləri gizlətməyə çalışdı - Ermənisayaq "etiraf" - VİDEO

Siyasət A- A A+

Nikol Paşinyanın Münhen Təhlükəsizlik Konfransı çərçivəsində İlham Əliyevlə keçirdiyi debatda özünü gülünc vəziyyətə salaraq, Azərbaycanı Xocalı faciəsinin təşkilində ittiham etməsindən sonra erməni baş nazirin “faktlarına” qarşı faktlarla cavablar səsləndirilib.

Eurasia Diary axar.az-a istinadən xəbər verir ki, Paşinyanın ittihamlarına daha bir cavabı isə öz Youtube səhifəsində jurnalist Asəf Quliyev yerləşdirib. Jurnalistin öz arxivindən paylaşdığı videoda qondarma rejimin keçmiş səhra komandirlərindən olan Razmik Petrosyanın hər zamankı kimi erməni cinayətlərini ört-basdır etmək üçün Xocalı ilə bağlı fikirləri yer alıb.

Separatçıların keçmiş komandiri videoda Xocalı əməliyyatından bir gün öncəyə qədər Xocalı ətrafında özünün bölmələrinin növbə çəkdiyini bildirib. O, Xocalıda olanların əksəriyyətinin guya arxadan vurularaq öldürüldüyünü etiraf edib.

Keçmiş erməni zabitinin fikirlərindən tam aydın olur ki, o bu "etirafı" ilə dünya ictimaiyətinin diqqətini danılmaz erməni cinayətlərinin üzərindən yayındırmağa çalışır. O, qeyd edir ki, onları arxadan vuranlar kimsə ermənilərdən olub, ya da...təbii ki, rusları nəzərdə tutmağa çalışıb. 

"Mən sizə deyim kim atəş açmışdı? Mən bilirəm. Bunu polkovnik mənə demişdi. Sovet İttifaqı xüsusi olaraq elə etməliydilər ki, azərbaycanlılar və ermənilər bir-birini gəmirsinlər. Bütün bunları onlar təşkil ediblər. Həbsxanadan quldurları azad etmişdilər ki, bunda iştirak etsinlər”.

Qeyd edək ki, Paşinyan Münhen Təhlükəsizlik Şurası çərçivəsində İlham Əliyevlə baş tutan debatından sonra Feysbukda paylaşım edərək, Xocalı soyqırımına görə məsuliyyəti yalnız 366-cı motoatıcı alay, yəni Rusiyanın üzərinə atmışdı. Bundan bir neçə dəqiqə sonra isə o paylaşımını düzəliş edərək, Rusiyaya qarşı ittihamlarını silmişdi.

Razmik Petrosyan 1940-cı ildə Gəncədə anadan olub. O, “Qarabağ”, Novorossiyskin “Sement” və İrəvanın “Ararat” futbol klublarında oynayıb. 1987-ci ildən Qarabağdakı separatçı rejimin əsas iştirakçılarından olub. Separatçıların yaratdığı “Krunk” cəmiyyətinin üzvü olan Petrosyan sonradan onun rəhbər vəzifələrində çalışıb. Ermənistanla birləşməyin tərəfdarı olan Petrosyan Qarabağda silahlı separatçı dəstələrin və müharibə üçün silah toplanılmasının ilk təşkilatçısı olub. 1990-cı ilin yanvarından aprelinə qədər məhz buna görə həbsdə yatan Petrosyan sonradan azad olunaraq, Ermənistan Ali Sovetinə deputat seçilib. Bununla bərabər o, Qarabağdakı döyüşlərdə iştirak üçün “Razmik” batalyonu da yaradıb.

2000-ci illərin əvvəlində qondarma qurumun “polis rəisi” vəzifəsində çalışıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...