Xocalı soyqırımı yalnız Azərbaycan xalqına deyil, bütövlükdə bəşəriyyətə qarşı törədilmiş tarixdəki ən ağır cinayətlərdən biridir.
Eurasia Diary xəbər verir ki, bunu Pakistan Senatının Müdafiə Komitəsinin sədri, senator Müşahid Hüseyni bildirib.
O, bu fikirləri bazar ertəsi günü NUML (Müasir Dillər üzrə Milli Universitet) tərəfindən təşkil edilən 'Soyqırımı və Etnik Təmizləmə - Xocalı 28' mövzusunda keçirilən seminarda dilə gətirib.
Seminarda iştirak edən digər hörmətli şəxslər arasında Bosniya səfiri Sakib Foriç və Azad Kəşmirin keçmiş prezidenti Sərdar Ənvər də olub.
Milli Müasir Dillər Universitetinin (NUML) baş direktoru qonaqları salamlayıb.
Senator Hüseyni Pakistan və Azərbaycanın eyni tarixi acını bölüşdüklərini bildirib.
O, Pakistanın Kəşmirdə oxşar vəziyyətlə üzləşdiyini, buna görə də Pakistanın Azərbaycan xalqının nə hiss etdiyini yaxşı bildiyini və Kəşmir məsələsində göstərdikləri dəstəyə görə Azərbaycan xalqına çox minnətdar olduğunu bildirib.
Dünyanın ən dəhşətli qırğınlarından biri olan Xocalı soyqırımı həddindən artıq ağır cinayətdir və heç cür izah edilə bilməz. Azərbaycan xalqının bu ikili situasiyadan çıxması təqdirəlayiqdir.
Senator Hüseyni Pakistanın Azərbaycana birmənalı dəstək verdiyini bildirib. O, Kəşmir və Dağlıq Qarabağdakı vəziyyət arasındakı oxşarlığı vurğulayıb.
Pakistan və Azərbaycanı bir-birinə ümumi tarix bağlayır və ziyalılar davamlı fikir mübadiləsi aparırlar. Pakistan Azərbaycana hər zaman dəstək verib və bu faciəni işıqlandırmaq məsələsində Azərbaycanla məsləhətləşmələr aparıb.
O əlavə edib ki, gələcəkdə hər iki ölkə arasında, xüsusən də Kəşmir və Dağlıq Qarabağ məsələlərində daha çox koordinasiya olmalıdır.
Hüseyni, həmçinin İnsan Hüquqları Hesabatına və Xocalıda baş verən hadisəni "münaqişədəki ən böyük qırğın" olaraq xarakterizə edən BMT-nin qətnamələrinə də diqqət çəkib.
O, beynəlxalq ictimaiyyətin həssaslığını, qlobal medianın səssiz qaldığını və böyük dövlətlərin məsələ ilə bağlı fəaliyyətsizliyini xüsusi vurğulayıb.
Səfir Əli Əlizadə soyqırım hadisələri haqqında qısa məlumat verib: “Xocalı məzarlığı bu hadisələr zamanı baş verən bütün vəhşiliklərin simvoluna çevrilib”.
O, açıq şəkildə bildirib ki, dünya Dağlıq Qarabağ və Kəşmir məsələlərini həll edərkən eyni prinsip və qaydaları tətbiq etməlidir. Dünyanın ikili standartların tətbiqini dayandırmalı olduğunu vurğulayıb.
Tarix bu cür hadisələrin gələcəkdə də baş verə biləcəyini göstərir və bunun təkrarlanmaması üçün bu cinayətə qarşı vahid mövqedən çıxış edilməli və günahkarların məsuliyyətə cəlb edilməsi lazım olduğunu söylədi.
Səfir Əlizadə həm Dağlıq Qarabağda, həm də Kəşmirdə sülh və sabitliyin təmin olunması üçün beynəlxalq ictimaiyyət tərəfindən kollektiv səy göstərilməsinə çağırdı.
Səfir iki ölkə arasındakı dostluğu və iki xalq arasındakı həmrəyliyi çox yüksək qiymətləndirib və Pakistanın bu qətliamı soyqırım kimi tanıyan ilk ölkələrdən biri olduğunu bildirib.
“Xocalı qətliamı bəşər tarixinin qanlı epizodudur və erməni millətçilərinin yüz il ərzində azərbaycanlılara qarşı həyata keçirdiyi etnik təmizləmə və soyqırımı siyasətinin qanlı səhifəsidir”, o söyləyib.
O, bildirib ki, hər iki ölkənin humanitar məsələlərdə prinsipial mövqeyi beynəlxalq hüquqa və insan haqları və beynəlxalq insan hüquqlarına sadiqliyini nümayiş etdirir və iki xalq arasında dərin dostluq əlaqələrinin möhkəmlənməsinə xidmət edir. Səfir Azərbaycanın ümummilli lideri Heydər Əliyevə də istinad edərək ermənilərin günahsız azərbaycanlılara qarşı sistematik şəkildə soyqırımı həyata keçirdiklərini söyləyib.