Respublika Veteranlar Təşkilatının Rəyasət Heyəti iyulun 12-də Ermənistan silahlı qüvvələrinin Azərbaycan ordusunun mövqelərinə hücumunu pisləyən bəyanat yaydı | Eurasia Diary - ednews.net

5 Avqust, Çərşənbə


Respublika Veteranlar Təşkilatının Rəyasət Heyəti iyulun 12-də Ermənistan silahlı qüvvələrinin Azərbaycan ordusunun mövqelərinə hücumunu pisləyən bəyanat yaydı

Siyasət A- A A+

Azərbaycan Respublikası Müharibə, Əmək və Silahlı Qüvvələr Veteranları Təşkilatının Rəyasət Heyəti iyulun 12-də Ermənistan silahlı qüvvələrinin Azərbaycan ordusunun mövqelərinə hücumunu qınayan bəyanat verib.

EDNews.net bəyanatın tam mətnini təqdim edir.

Ermənistanın Azərbaycan Respublikasının Tovuz rayonu istiqamətində atəşkəs rejimini pozması  dünyada sülh və əminanlığa  növbəti  təhdiddir.

Məlum olduğu kimi, son günlər Ermənistan silahlı qüvvələrinin mütəmadi şəkildə atəşkəs rejimini pozaraq Azərbaycan Respublikasının mövqelərini atəşə tutması hərbi qulluqçuların ölümünə və yaralanmasına səbəb olmuşdur. Eyni zamanda Ermənistan öz məkirli və çirkin siyasətini davam etdirərək cəbhə bölgəsinə yaxın ərazilərdə yaşayan kəndlərin dinc əhalisini iri çaplı silahlardan və ağır artireliyadan istifadə edərək atəşə tutmuşdur. Nəticədə dinc sakinlərdən də həlak olan və yaralananlar olmuşdur. 

Belə ki, 2020-ci il iyulun 12-də günorta saatlarından başlayaraq Ermənistan silahlı qüvvələri artilleriya qurğularından istifadə etməklə ölkəmizin Ermənistanla sərhədində yerləşən Tovuz rayonu istiqamətində Azərbaycan Silahlı Qüvvələrinin mövqelərini ələ keçirmək məqsədilə hücuma keçməyə cəhd göstərmişdir.

Təəssüflə qeyd edək ki, BMT  Təhlükəsizlik Şurasının məlum 822, 853, 874, 884 saylı qətnamələrinə bu günədək əməl etməyən, Azərbaycan torpaqlarını işğal altında saxlayan Ermənistan tərəfindən beynəlxalq səviyyədə tanınan Azərbaycanın ərazi bütövlüyünə növbəti təxribatı da yolverilməzdir. Dünya ictimaiyyəti bilməlidir ki, Dağlıq Qarabağ münaqişəsində işğalçı ilə işğala məruz qalana eyni səviyyədə yanaşma Azərbaycan xalqına qarşı ayrıseçkilikdir.

Azərbaycan Respublikası tolerant və multukultural dəyərləri ilə dünyada sülhün bərqərar olmasına daha çox səbr və qətiyyətlə yanaşmışdır. Ərazisi işğal altında olan və daim erməni atəşi altında yaşayan Azərbaycan xalqı daim dözüm nümayiş etdirmiş, münaqişənin dinc yolla həllinə çalışmışdır. Əfsuslar olsun ki, erməni tərəfi bu dəfə də Azərbaycanın humanizmindən öz mənfur əməlləri üçün istifadə etmişdir.

Bu gün biz veteranlar bir daha dünya ictimaiyyətini, xüsusilə də Dünya Veteranlar Federasiyasını və digər nüfuzlu beynəlxalq qurumları respublikamızın BMT tərəfindən tanınmış ərazilərinin işğaldan azad olunması, Ermənistanın Azərbaycan ərazisində törətdiyi cinayətlərə layiqli hüquqi qiymət verilməsi və beynəlxalq hüquq normalarının pozulmasının qarşısının alınması, eləcə də Dağlıq Qarabağ münaqişəsi nəticəsində soydaşlarımızın pozulmuş hüquq və azadlıqlarının bərpası istiqamətində müvafiq səylərlə çıxış etməyə -  zəruri addımlar atmağa və təxriəsalınmaz tədbirlər görməyə çağırırıq.

Bəyanatı Azərbaycan Respublikası Müharibə, Əmək və Silahlı Qüvvələr Veteranları Təşkilatının Rəyasət Heyəti adından Təşkilatın sədr müavini polkovnik Cəlil Xəlilov yaymışdır

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...