CBC telekanalında yayımlanan "Qlobal Müzakirə" verilişində qonaq, Böyük Britaniya Parlamentinin Nümayəndələr Palatasının üzvü, Böyük Britaniya-Azərbaycan parlamentlərarası dostluq qrupunun sədri Bob Blekman aparıcının sualları cavablandırıb.
İyulun 13-də, Ermənistanın Tovuz istiqamətində növbəti hərbi təxribatının ertəsi günü "Ermənistanın Azərbaycana təcavüzü haqqında" sənəd Britaniya Parlamentinin Nümayəndələr Palatasına təqdim edilib. Müraciəti Blekman və Azərbaycana dost olan digər üç parlamentari imzalayıb. Sənəd Britaniya hökumətini Ermənistanın beynəlxalq qanunları pozan və sülh prosesinə ciddi maneə törədən hərəkətlərini pisləməyə çağırır.
"Qlobal Müzakirə" verilişinin aparıcısı Anastasiya Lavrinanın suallarını cavablandıran Blekman Tovuz istiqamətində atəşkəsi pozaraq, hərbi əməliyyatları başladan Ermənistanı birmənalı şəkildə təcavüzkar adlandırıb.
Elə həmin gün İngiltərə Xarici İşlər Nazirliyi hər iki tərəfə atəşkəsə dair çağırış etdi.
Rusiya Minsk Qrupunda əhəmiyyətli rol oynayır, buna görə Moskva Ermənistanı münaqişəyə son qoymağa çağırmalıdır. "Biz Minsk qrupunun işini yaxşı yerinə yetirməsini istəyirik və ümid edirik ki, bu belə olacaq", - deyə Britaniya parlamentinin deputatı bildirib.
Əlavə edək ki, ABŞ Konqresi və Aİ də Ermənistanı Azərbaycana qarşı təcavüzkar hərəkətlərdə ittiham edən sənədlər qəbul edib.
“Ermənistan Silahlı Qüvvələrinin Azərbaycan ərazisini tərk etməsini istəyirik", deyə sənəddə bildirilir.
Bu çox qeyri-sabit bir bölgədir, qarşıdurma kəskinləşib, Rusiya və Türkiyə öz məqsədlərini həyata keçirmək üçün bura cəlb oluna bilər. Biz bunu istəmirik, bölgədəki müharibə ağır və qarşısıalınmaz nəticələrə, beynəlxalq sərhədlərin pozulmasına səbəb ola bilər", - deyə Britaniya parlamentarisi bildirib.