Erməni hücumuna məruz qalanlar bunu etməlidir | Eurasia Diary - ednews.net

20 Sentyabr,


Erməni hücumuna məruz qalanlar bunu etməlidir

Siyasət A- A A+

Ermənilərin xaricdə özlərini cəzasız hiss etmələrinin səbəbi bu ölkələrdə yaşayan azərbaycanlıların öz səslərini duyurmamasıdır. Xaricdə yaşayan azərbaycanlılar dinc aksiyalar zamanı zərər çəkmələri ilə bağlı yaşadıqları ölkədəki səfirlik və konsulluq bölmələrinə müraciət etməlidirlər. Çoxsaylı müraciətlərdən sonra Azərbaycan məlum ölkələri irqi ayrı-seçkiliyin bütün formalarının ləğvi haqqında 1965-ci il Konvensiyası və İnsan haqları haqqında 1966-cı il Paktına uyğun olaraq məsuliyyətə cəlb edə bilər.

Bunu Axar.az-a açıqlamasında beynəlxalq hüquq üzrə professor Fərhad Mehdiyev Azərbaycandakı Rus İcmasının sədr müavini, Qarabağın Azərbaycanlı İcmasının müşaviri Anastasiya Lavrinanın erməni millətçilərinin vəhşi hərəkətlərinə və soydaşlarımıza kütləvi hücumlarına ədalətli hüquqi qiymət verilməsi üçün Azərbaycanın məlum ölkələri məsuliyyətə cəlb edə biləcəyi haqda sözlərini şərh edərkən deyib.

O bildirib ki, bir çox demokratik ölkələrin qanunvericiliyində nifrət və irqi ayrı-seçkilik zəminində törədilən cinayətlər üçün müvafiq qanun var:

“Avropada irqi ayrı-seçkilik, nifrət zəminində cinayətlər çox olur. Ona görə də belə bir qanun qəbul edilib. Azərbaycan qanunvericiliyində də bu yöndə müvafiq qanun var. Belə ki, əgər törədilən cinayət irqi ayrı-seçkilik zəmnində baş veribsə, təqsirləndirilən şəxsə 120-ci maddənin 2-ci bəndinə uyğun olaraq ağırlaşdırılmış cəza tədbiq edilir.

Bu gün xaricdə yaşayan azərbaycanlılar konsulluq və səfirliklərimizlə birlikdə ermənilər tərəfindən məruz qaldıqları zorakılıqla bağlı yaşadıqları ölkələrin hüquq-mühafizə orqanlarına müraciət etməlidir. Bu yolla onlar dinc aksiyalar zamanı onlara zərər verən erməniləri məsuliyyətə cəlb edə bilərlər. Əgər vətəndaşlarımızın müraciətləri yaşadıqları ölkələrin hüquq-mühafizə orqanları tərəfindən nəzərə alınmasa və ya məhkəmə məsuliyyətə cəlb edilən erməniləri lazımınca cəzalandırmasa, bu zaman onlar Avropa İnsan Haqları məhkəməsinə müraciət edə bilərlər. İstənilən halda, azərbaycanlıların keçirdiyi dinc aksiyaya müdaxilə edən, onlara zərər verən ermənilər cəzasız qalmamalıdır”.

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...