Britaniyalı jurnalist Neil Vatson Azərbaycan Silahlı Qüvvələrinin işğal altında olan Qarabağda apardığı və bir sıra ərazilərin erməni işğalından azad edilməsi ilə nəticələnən uğurlu hərbi əməliyyatlarını yüksək qiymətləndirib.

Bu barədə Neil Vatson Eurasia Diary-yə öz fikirlərini açıqlayıb.

O,  Azərbaycan hökumətinin 27 ilini ərazilərinin azad edilməsinə nail olmaq istəyi üçün sərf etdiyini söyləyib.

“Azərbaycan ordusu uzun müddət sonra Cəbrayıl və Füzuli rayonun kəndlərini erməni işğalından azad etdi. Əslində bu məqama çatmaq 27 il zaman aldı ” Vatson söyləyib.

"Bu çoxdan baş verməli idi, lakin bu zaman içində Azərbaycan hökuməti, xüsusən də Azərbaycan Prezidenti İlham Əliyev işğalçı qüvvələrlə danışıqlar aparmağa çalışıb".

Uzun müddətdən sonra Azərbaycan ordusunun kəndləri və qəsəbələri güc yolu ilə işğaldan azad etdiyini görəndə sevinən Vatson ümid edir ki, erməni ordusu ərazilərini tamamilə təslim edib imtina edəcək və oyunun bitdiyini başa düşəcəkdir.

O, Ermənistanın yeddi ətraf rayonun Azərbaycana geri qaytarmalı olduğunu vurğulayıb və əlavə edib ki, işğaldan sonra Azərbaycan bu illər ərzində viran qalmış azad edilmiş ərazilərdə bərpa işlərinə başlaya bilər.

Dağlıq Qarabağdakı erməni və azərbaycanlı icmalarının gələcəkdə birgə yaşamasına toxunan Vatson azərbaycanlılar və ermənilər habelə digər etnik və dini azlıqların nümayəndələri əvvəlki kimi birlikdə sülh və barışıq içində yaşaya biləcəklərini söyləyib.

Bundan əlavə, Watson Azərbaycanın beynəlxalq hüquqa uyğun olaraq Qarabağda hərbi əməliyyatlar aparmaq haqqına malik olduğuna inanır.

“BMT Təhlükəsizlik Şurasının 1993-cü ildə qəbul etdiyi qətnamələrdə Ermənistanın Azərbaycan ərazilərini işğalı qınanılır. İndi Azərbaycanın etdiyi şey beynəlxalq hüquqa riayət etməkdir. Bundan əlavə, Gəncə və Azərbaycanın digər şəhərlərindəki raket və klaster bombaları ilə vurulan yaşayış məntəqələri Azərbaycan hökumətinə təcavüzkarlara qarşı özünümüdafiə hüququ verir” Vatson deyib.