NATO Ermənistan-Azərbaycan münaqişəsində tərəf deyil - Baş katib | Eurasia Diary - ednews.net

28 Noyabr, Şənbə


NATO Ermənistan-Azərbaycan münaqişəsində tərəf deyil - Baş katib

Siyasət A- A A+
NATO Ermənistanla Azərbaycan arasındakı Dağlıq Qarabağ münaqişəsində tərəf deyil.
 
Eurasia Diary-nin xəbərinə görə bunu NATO-nun Baş katibi Yens Stoltenberq 22 oktyabrda nazirlərin işinin ilk günün yekunlarına dair mətbuat konfransında açıqlayıb.
 
Çərşənbə günü NATO-nun Brüsseldəki qərargahında Ermənistan prezidenti ilə görüşdən sonra Stoltenberq Azərbaycan rəhbərliyi ilə görüşməyə hazır olub-olmadığı barədə sualı belə cavablandırıb.
 
“Hər iki ölkə, Azərbaycan və Ermənistan, NATO-nun hörmətli tərəfdaşlarıdır. Tərəfdaş dövlətin başçısı Brüsselə gələrək görüşmək istədikdə, belə görüşün keçirilməsi təbiidir. Azərbaycan Prezidenti İlham Əliyevin səfəri zamanı görüşmüşdük və onunla yenidən danışmağa hazıram. Ermənistan və Azərbaycan rəhbərləri də daxil olmaqla, müxtəlif tərəfdaş ölkələrin liderləri ilə keçirilən görüşlər tərəfdaşlığımızın bir hissəsidir. Bu yaxınlarda Ermənistan prezidenti ilə görüşdüm və müraciət olarsa, Azərbaycan prezidenti ilə görüş keçirəcəyəm”, deyə o qeyd edib.
 
Alyansın rəhbəri NATO-nun Dağlıq Qarabağ münaqişəsində tərəf olmadığını bildirib. Eyni zamanda, Türkiyənin NATO-nun vacib müttəfiqi olduğunu Ermənistan prezidentinin diqqətinə çatdırıb.
 
“Dağlıq Qarabağ və ətrafındakı münaqişə, xüsusilə mülki əhali arasındakı itkilər bizi çox narahat edir. Bu qarşıdurma üçün siyasi həll yolu tapılmalıdır”, Yens Stoltenberq deyib.
 
O, NATO-nun ATƏT-in Minsk Qrupu həmsədrlərinin səylərini dəstəklədiyini və ABŞ-da iki ölkənin xarici işlər nazirləri arasında görüşün keçiriləcəyini alqışladığını söyləyib.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...