Ana Vətən çətin sınaqlardan keçir. Rəşadətli və şanlı Ordumuz Azərbaycan tarixinə yeni səhifələr yazır Azərbyacan Prezidenti, Ali Baş Komandanımızın rəhbərliyi altında iığal olunan ərazilərimiz düşmən tapdağından azad edilir. Artıq doğma torpaqlarımızda üç rəngli Bayrağımız dalğalanır. Dilimiz, dinimiz, ruhumuz bu əziz və müqəddes torpaqlarda yenidən özünə qayıdır. İşğaldan azad olunan bölgələrimizdə artıq inilti yox azan səsi dağlarımızın, daşlarımızın o gözəl təbiətimizin ruhunu oxşayır.
Bəli azan səsi bizi zəfərə, daha əzmlə döyüşə çağırır, milli kimliyimizi təsdiqləriyir. Bir əlində Quran, bir əlində Turan haq yoluna çıxaraq ordumuz, Azərbaycan əsgeri Azərbaycanın ərazi bütövlüyünü bərpa etmək uğrunda şücaətlə döyüşür. Vətən uğrunda gedən bu savaşda canlarını fəda edir, qanını torpağına qatarag şəhidlik zirvəsinə yüksəlirlər. Torpaq uğrunda ölən varsa Vətəndir. Şəhidlər ölməz Vətən bölünməz.
Qırğızıstanda yaşayan biz Azərbaycanlılar da bütün hadisəleri böyük maraq və həyəcanla izləyirik. Əlbəttə ki, qələbə şəhidlərsiz olmur. Soydaşlarımız da bu müqəddəs torpaqlarımız uğrunda canlarını fəda edənlər və erməni terrorunun qurbanı olan qətlə yetirilən dinc vətəndaşlarımızın ruhuna dualar oxumaq üçün bir araya gəlmişdi.
Anım mərasiminin təşkilatçısı Qırğızıstan Azərbaycanlılarının AZƏRİ İctimai Birliyinin sədri, əməkdar hüquqşünas Əzizağa Əliyev tədbiri açaraq erməni vandalizminin nəticələri sayəsində döyüş bölgəsindən uzaqlarda yerləşən yaşayış məntəqələrinin erməni terrorçular tərəfindən raket atəşinə tutulmasını qınadı. Torpaqlarımızı işğaldan azad edərək həlak olan şəhid əsgərlərimizin ruhu qarşısında baş əyirik dedi.
Sonra Əzizağa Əliyev fürsətdən istifadə edərək hər zaman Azərbaycanın yanında olan Türkiyə Respublikasının milli bayramı münasibətilə qardaş Türkiyə xalqını təbrik etdi.
Anma mərasimi iştirakçıları tezliklə Azərbaycan torpaqlarının düşmən tapdağından azad olunacağını və qələbə bayrağımızın Şuşada dalğalanacağına inandıqlarını bildirdilər.
Bişkekdəki Azərbaycan Məscidinin imamı Mərifət Şirinov, Qazaxıstandakı Azərbaycan məscidinin axundu Saleh Həsənov şəhidlərin müqəddəs ruhuna dualar oxudular.
Anma tədbirinin sonunda ehsan verildi.