“Revanş Ermənistanın xəritədən silinməsinə gətirib çıxara bilər” - Korotçenko | Eurasia Diary - ednews.net

15 İyun, Çərşənbə axşamı


“Revanş Ermənistanın xəritədən silinməsinə gətirib çıxara bilər” - Korotçenko

Siyasət A- A A+

“Ermənilərin Türkiyədən "şeytan" obrazı yaratmaq cəhdi informasiya müharibəsidir. Erməni lobbisi Rusiya-Türkiyə, Rusiya-Azərbaycan münasibətlərinə qarşı çıxmağa çalışır”.

Eurasia Diary Azvision.az-a istinadən xəbər verir ki, bunu rusiyalı hərbi ekspert İqor Korotçenko deyib.

Onun sözlərinə görə, erməni lobbisinin qarşısına qoyduğu məqsəd budur ki, Rusiya öz ətrafına yalnız Ermənistanın eynəyindən baxsın, Rusiyanın hərbi-siyasi rəhbərliyinin ümumi görüntüsü pozulsun: “Biz bu gün görürük ki, Ermənistan natamam bir dövlətdir. Bu dövlət uğursuz hərbi strukturun nümunəsidir. 44 gün ərzində on min hərbçi fərari oldu. Bu, dövrümüz üçün görünməmiş hadisədir. Bu gün Ermənistanı kapitulyasiyaya məcbur edən "Dəmir yumruq" əməliyyatının nümunəsi digər ölkələrin hərbi akademiyalarında təcrübə kimi keçilməkdədir. Biz 21-ci əsrin ordusu- Azərbaycan Ordusunun nümunəsi əsasında təcrübə keçirik. Yüksək dəqiqlikli silah, kəşfiyyat qüvvələrinin, radio-elektron cihaz və nəhayət, bir neçə yüz pilotsuz uçuş aparatının istifadəsi ilə böyük miqyaslı təcrübələr keçirik. Bu həqiqətən də quruluşun, hərbi düşüncənin və Ali Baş Komandan Prezident İlham Əliyevin qazandığı zəfərdir”.

Ekspert hesab edir ki, əgər Ermənistan revanş yolunu seçsə, bu, onun siyasi xəritədən silinməsinə gətirib çıxara bilər: “Buna görə də, hazırda Ermənistan cəmiyyətinin qarşısında çox sadə çıxış yolu var. Ermənistan ya hazırkı sərhədlərini qoruyaraq qonşu ölkələrlə iqtisadi münasibətlərini bərpa etməlidir, ya da revanşist ideologiyalı siyasətçiləri seçərək siyasi xəritədən silinmək təhlükəsi ilə qarşılaşacaq”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...