Rusiya sülhməramlıları üçün 30 modul şəhərcik salınıb | Eurasia Diary - ednews.net

14 İyun, Bazar ertəsi


Rusiya sülhməramlıları üçün 30 modul şəhərcik salınıb

Siyasət A- A A+

Rusiya Silahlı Qüvvələrinin maddi-texniki təminat üzrə mütəxəssisləri Dağlıq Qarabağdakı rus sülhməramlı kontingentinin hərbçiləri üçün 30 blok-modul şəhərçiyinin tikintisini başa çatdırıblar.

Eurasia Diary Azvision.az-a istinadən xəbər verir ki, bu barədə Rusiya Müdafiə Nazirliyi məlumat yayıb.

“Karıkaxa, Cerabert qəsəbələrində blok-modul şəhərciklərin inşası başa çatıb. Beləliklə, Rusiya Federasiyası müdafiə nazirinin qərarı ilə maddi-texniki təminat orqanları tərəfindən ən qısa müddətdə - 4 ayda 30 blok modul şəhərçiyi istifadəyə verildi və məskunlaşma həyata keçirildi”, - Dağlıq Qarabağdakı inşaat qərargahının rəhbəri general-mayor Yuri Xort bildirib.

Onun sözlərinə görə, indi Dağlıq Qarabağ ərazisindəki Rusiya sülhməramlı kontingentinin hərbi qulluqçularının rahat yaşamaq üçün hər cür şəraiti var, bu da şübhəsiz ki, xüsusi tapşırıqların icrasında vacib elementdir.

Ümumilikdə, Rusiya sülhməramlılarının Dağlıq Qarabağa yerləşdirilməsindən bəri Müdafiə Nazirliyinin mütəxəssisləri 250, 60, 40, 30 və 15 nəfər tutumlu 30 blok-modul şəhərciyi, həmçinin bir komanda məntəqəsi və komanda heyəti üçün yaşayış yeri inşa edib. Bütün yaşayış yerləri lazımı infrastrukturla təmin edilib.

Dağlıq Qarabağdakı inşaat sahələrinə təxminən 600 mütəxəssis və 65 texnika cəlb olunub.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...