Ermənistan cəmiyyəti istəmir ki, minalanmış ərazilərin xəritələri təqdim olunsun | Eurasia Diary - ednews.net

3 Avqust, Çərşənbə axşamı


Ermənistan cəmiyyəti istəmir ki, minalanmış ərazilərin xəritələri təqdim olunsun

Siyasət A- A A+

“Ermənistan Azərbaycana minalanmış ərazisinin yalnız kiçik hissəsinin xəritəsini verib. Bu, çox kiçik ərazini əhatə edir”.

Eurasia Diary xəbər verir ki, bu sözləri Ermənistanın Baş naziri vəzifəsini icra edən Nikol Paşinyan söyləyib.

Paşinyan bu açıqlaması ilə beynəlxalq humanitar hüquq normalarının pozulmasını birbaşa etiraf edir.

Milli Məclisin Beynəlxalq münasibətlər və parlamentlərarası əlaqələr komitəsinin üzvü Nigar Arpadarai məsələ ilə bağlı fikirlərini bölüşüb. O, Azərbaycan tərəfindən saxlanılan bütün erməni hərbiçilərinin 3 tərəfli bəyanatın imzalanmasından sonra Azərbaycan ərazisində saxlanıldığını, onların cinayətkar olduqlarını və Azərbaycan qanunvericiliyinə uyğun olaraq cavab verməli olduqlarını bildirib. Onların bir qrupunun artıq məhkəmə prosesi gedir:

"15 nəfər erməninin öz tərəflərinə təhvil verilməsi ilə Azərbaycan bu dəfə də humanist addım atdı. Eyni zamanda, Azərbaycan Ağdam rayonunun minalanmış ərazilərin xəritələrini əldə etdi.

Xatırlatmaq istərdim ki, bütün ərazilərin xəritələrinin təqdimatı beynəlxalq humanitar hüquqa görə Ermənistanın öhdəliyindədir.

Paşinyanın bu bəyanatı isə beynəlxalq humanitar hüquq normalarının pozulmasını etiraf etməsidir.

Biz bunu mümkün qədər çox beynəlxalq aləmdə yaymalı, ictimailəşdirməliyik. Təəssüf ki, son 3 illik ərzində Ermənistanın bütün hökumətləri, rəhbərləri beynəlxalq hüquq normalarını daima pozub.

Paşinyan isə populistdir. Onun bu bəyanatı erməni cəmiyyətində ümumi yanaşmanı göstərir. Paşinyan ancaq Ermənistanda insanların eşitmək istədiyi sözləri işlədir. Ermənistan cəmiyyəti istəmir ki, minalanmış ərazilərin xəritələri təqdim olunsun, erməni cəmiyyətində hələ də faşist, revanşist, ideyalar hökm sürür.

Bu səbəbdən cənab Prezidentin dediyi kimi, "dəmir yumruq hər zaman yerində olmalıdır".

Moderator.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...