Qarabağ münaqişəsində günahsız insanların əziyyət çəkməsi təəssüf doğurur - ABŞ senatoru | Eurasia Diary - ednews.net

28 İyul, Çərşənbə


Qarabağ münaqişəsində günahsız insanların əziyyət çəkməsi təəssüf doğurur - ABŞ senatoru

Siyasət A- A A+

“Münaqişə nəticəsində günahsız insanların əziyyət çəkməsi təəssüf doğurur. Konflikt iştirakçısı olmayan şəxslərin başqalarının hərəkətlərinə görə zərər görməsi ilə bağlı narahatlığınızı paylaşıram”.

Eurasia Diary xəbər verir ki, bunu Nyu-York ştatından senator Çarlz Şumer açıqlamasında deyib.

“ABŞ hökuməti uzun illər ərzində Dağlıq Qarabağ münaqişəsinin sülh yolu ilə həlli istiqamətində cəhdlər göstərərək, prosesdə fəal iştirak edib, Minsk Qrupunda aparıcı rol oynamaqla Azərbaycan və Ermənistan arasındakı münaqişənin sülh və danışıqlar yolu ilə həllinə tərəfləri təşviq edib. Eyni zamanda ABŞ regionda uzun illərdir davam edən inkişaf və humanitar yardım proqramlarının icrasına dəstək göstərir.

Karyeram boyunca Senatda işləyərək, Dağlıq Qarabağ regionunda yaşayan əhalinin dəstəklənməsi üçün orada Dövlət Departamenti, Xarici Əlaqələr və Müvafiq İşlər İdarəsi tərəfindən həyata keçirilən dini, iqtisadi və sülh layihələrinin maliyyələşdirilməsinə çalışmışam. Mən həmçinin Müdafiə Departamenti, Dövlət Departamenti və ABŞ Beynəlxalq İnkişaf Agentliyini (USAID) tərəfindən Azərbaycanda məktəblər tikilməsi və ölkənin inkişafı, eləcə də ehtiyac sahibi olan insanlara yardım edilməsinə yönəlmiş layihələri dəstəkləmişəm”.

Report.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...