Azərbaycan Respublikasının müvəqqəti olaraq Rusiyanın rəsmən sülhməramlı sayılan hərbi birləşməsinin nəzarətində olan ərazisindəki separatçı-terrorçu tör-töküntülərinin başçısı Araik Arutyunyan Ermənistanın müstəqilliyinin 30-cu ildönümü münasibətilə təşkil olunacaq heç bir şənlik tədbirində iştirak etməyəcək.
EDNews.net Moderator.az-a istinadən xəbər verir ki, bu haqda qəsbkar ölkənin “Qraparak” nəşri məlumat yayıb.
Məlumata görə, bu gün Araikin Ermənistana səfəri Nikol Paşinyanla birlikdə “Yerablur” panteonunu ziyarət etməklə məhdudlaşacaq.
“Arutyunyana yaxın mənbəmiz onun tezliklə Qarabağa qayıdacağını, axşam 20: 00-da İrəvanda başlayacaq "rəngarəng" konsertə qatılmayacağını söylədi. Mənbə bildirib ki, Arutyunyan şəxsən təslimçilik aktının imzalanmasının ildönümü olan 10 noyabr tarixinə qədər konsertlərdə iştirak etməmək qərarına gəlib”- erməni nəşri belə yazıb.