Erməni mayorlar Zəngəzurdakı döyüşə buraxılmayıb - ednews.net

27 Noyabr, Şənbə

Erməni mayorlar Zəngəzurdakı döyüşə buraxılmayıb

Siyasət A- A A+

Bir neçə gün əvvəl Zəngəzurda Azərbaycan və Ermənistan hərbçiləri arasında baş verən insident zamanı qarşı tərəfin mayor rütbəli şəxslərinə döyüş mövqelərinə, qaynar nöqtələrə qalxmağa icazə verilməyib.

EDNews.net xəbər verir ki, bu barədə məlumatı “Hraparak” qəzeti yayıb.

Nəşr yazır ki, bu məlumatı iki müxtəlif vəzifədə olan hərbçilər də təsdiqləyib. Onların sözlərinə görə, Müdafiə Nazirliyinin xüsusi təyinatlı alayının zabitləri, eləcə də xarici kəşfiyyatçılar döyüş əməliyyatlarının ən həlledici məqamında mövqelərə qalxmağa cəhd edərkən onlara qadağa qoyublar. Bildirilib ki, bu, yeni təyin olunmuş müdafiə naziri Suren Papikyanın əmridir və o qeyd edib ki, vəzifəsi mayordan yüksək olanlar döyüş mövqelərinə buraxılmasın.

Həmçinin məlumatda qeyd olunur ki, hökumət Ermənistanda yerləşən 102-ci hərbi bazanın dəstəyindən də imtina edib və Zəngəzurdakı hərbi bazanın ikinci korpusunun komandiri erməni əsgərlərinə dəstək vermək istəyəndə ona da icazə verilməyib. 

Ermənistanın Müdafiə Nazirliyi isə yüksək rütbəli zabitlərin mövqelərə buraxılmaması ilə bağlı yayılan bu məlumatları təkzib edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...