Deputat: - ““Rüşvət almıram” deyənlər başqa elə yollar icad edirlər ki...” - ednews.net

17 Yanvar, Bazar ertəsi

Deputat: - ““Rüşvət almıram” deyənlər başqa elə yollar icad edirlər ki...”

Siyasət A- A A+

“Acınacaqlı odur ki, gənc adı ilə təyin olunanların da xeyli hissəsi köhnələrin yolunu izləyirlər. Sadəcə görünüş olaraq “rüşvət almıram” deyənlər başqa elə yollar icad edirlər ki, vətəndaş rüşvətin aşkar hökmranlıq etdiyi dövrlərin nostalgiyasını yaşamış olur. Hər nə qədər dürlü-dürlü qanunlar qəbul ediriksə, ictimai nəzarəti təmin etmək mümkün olmur”.

EDNews.net Modern.az-a istinadən xəbər verir ki, bunu Milli Məclisin deputatı, Böyük Quruluş Partiyasının başqanı Fazil Musatafa bildirib.

Onun sözlərinə görə, ölkədə qanunüstü şəxslərin sayı normadan artıqdır.

“İstər iqtisadi, istər də dövlət qulluğunda imtiyazlı şəxslərin davranışları digər insanların da əxlaqını dəyişir. “Niyə ona olar, mənə olmaz?” mühakiməsi ilə davranmağa meyllənənlər çoxalır. Kiminsə həbsi, ölümü başqasına görk olsaydı, o halda bəşəriyyətdə bundan sonra ədalətsizlik yerli-dibli qalmazdı. İdarəetmədə səlahiyyətlər bir-birinə qarışanda kimdənsə konkret məsuliyyət də tələb etmək olmur. İcra orqanları ilə yerli özünüidarəetmə orqanlarının sərhədləri Azərbaycan-Ermənistan sərhədlərindəki vəziyyətdən daha dolaşıqdır. Biz dövlət sərhəddini delimitasiya ertməzdən öncə, dövlətin içindəki qurumların və şəxslərin sərhədlərinin delimitasiyasını aparmalıyıq”,-millət vəkili vurğulayıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...