20 Yanvar faciəsinə görə Azərbaycan məhkəməyə müraciət edə bilərmi? - Hüquqşünasdan AÇIQLAMA - ednews.net

26 May, Cümə axşamı

(+994 50) 229-39-11

20 Yanvar faciəsinə görə Azərbaycan məhkəməyə müraciət edə bilərmi? - Hüquqşünasdan AÇIQLAMA

Siyasət A- A A+

“Azərbaycan 20 Yanvar faciəsinə görə Rusiyanı beynəlxalq məhkəmələrə verməsi qeyri-mümkündür”.

Bu sözləri EDNews.net-ə beynəlxalq hüquq üzrə ekspert Fərhad Mehdiyev bildirib.

Məsələyə münasibət bildirən Fərhad Mehdiyev hesab edir ki, Avropa İnsan Hüquqları konvensiyasına görə, Rusiya yalnız 1990-cı ildən bəri etdiyi hərəkətlərə görə məsuliyyət daşıyır.

“1990-cı ilin yanvarın 20-də törədilmiş qırğına görə, Azərbaycan Rusiyanı Avropa İnsan Hüquqları məhkəməsinə verə bilməz. Ona görə ki, Rusiya müstəqil olduqdan sonra İnsan Hüquqları konvensiyasına imza atıb. Yalnız bundan sonra Moskva etdiyi hərəkətlərə görə məsuliyyət daşıyır. Yanvar qırğını isə 1990-cı ildə baş verib. Belə olan halda bizim SSR-ni Avropa məhkəməsinə verməyimiz qeyri-mümkündür”.

Hüquqşünas Beynəlxalq Ədalət Məhkəməsinə də müraciət etməyin mənasız olduğunu bildirib;

“Beynəlxalq Ədalət Məhkəməsinin elə funksiyaları var ki, gərək cavabdeh dövlət  onun səlahiyyətlərini tanısın. Cavabdeh ölkə Ədalət məhkəməsinin yurisdiksiyasını tanımadığı halda məhkəmə belə işlərə baxmır. Rusiyaya gəldikdə isə Ədalət məhkəməsinin səlahiyyətlərini tanımaq onun işinə sərf eləmir”.

Qeyd edək ki, Azərbaycan cəmiyyətində 1990-ci il  yanvarın 20-də Sovet ordusu tərəfindən gülləbaran edilən insanların, onların ailə üzvlərinin hüquqlarının tanınması, o cümlədən bu faciəyəyə görə cavabdehlik daşıyan SSRİ-nin varisi olan Rusiyadan kompensasiya alınması məsələləri ətrafında müzakirələr aparılır. Bəziləri hesab edir ki, Azərbaycan buna yalnız Rusiyanı SSR-nin varisi kimi beynəlxalq məhkəmələrə verməklə nail ola bilər.

 

 

 

 

 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...