Almaniya Ukraynanı döyüş meydanında tək buraxır? - Vadim Truxanın şərhində - ednews.net

27 May, Cümə

(+994 50) 229-39-11

Almaniya Ukraynanı döyüş meydanında tək buraxır? - Vadim Truxanın şərhində

Siyasət A- A A+

Artıq son dərəcə gərgin həddə çatan Ukrayna münaqişəsi, Avropanın aparıcı dövlətlərinin görünməyən tərəflərini ortaya çıxarıb. 

Bir tərəfdən Britaniyanın Ukraynaya olan silah və hərbi dəstəkdən imtina etməsi, digər tərəfdən isə alman admiralı Kay Akim Şonbaxın gözlənilməz açıqlaması yeni proseslərə yeni siyasi bais bucağı formalaşdırıb.

Ötən şənbə günü almaniyalı admiral Şönbax Rusiya prezidenti Vladimir Putinin ünvanına təriflər yağdırması ilə kəskin tənqidlərə məruz qalıb və bunun ardınca istefa verərək, vəzifəsindən uzaqlaşıb. 

Xatırladaq ki, Şönbax “Putin hörmətli şəxsdir və rəsmi Kiyev Krımı Moskvadan geri ala bilməz,” deyə ifadə işlədib. 

Nəzərə alaq ki, Almaniya hələ Merkel dönəmindən bəri Ukrayna məsələsində neytral mövqeyi ilə hər zaman nəzərlərdən yayınmağa çalışırdı. Yeni kansler Olaf Şoltzun postu təhvil almasından sonra sanksiyalara dəstəyi çıxmaq şərtilə, bu o qədər də dəyişmədi. Almaniyanın bu cür mövqeyi onun ikili oyun oynamasının xəbərçisidir.

Ukraynanın həm Almaniya, həm də Britaniya tərəfindən əlininin boşda buraxılması maraqlı suallar doğrur. 

Buna səbəb nədir?

EDNews həmin sualları cavablandırmaq üçün Ukraynalı siyasi ekspert Vadim Truxanın fikirlərini öyrənib.  Siyasi ekspert açıqlamasında bildirib ki, formal olaraq burada hüquqi vəziyyət aydındır. 

“ABŞ Rusiyanın ekspansiyasını dayandırmaq üçün bütün Qərbi kollektiv olaraq öz ətrafında birləşdirməyə çalışır. Çünki Rusiya hazırda təkcə Ukraynanı deyil, həm də keçmiş post-Sovet ölkələri olan şərqi Avropanı öz təsiri altına almaq istəyir və Qərb bunu çox yaxşı dərk edir”,- deyə Tryuxan qeyd edib.

Ekspert həmçinin qeyd edib ki, Britaniya Rusiyanın Ukraynaya növbəti müdaxiləsinin dəf edilməsi istiqamətində ciddi dəstək göstərir. 

“ABŞ bu istiqamətdə Ukraynaya təkcə 2021-ci ildə 650 milyon dollar dəyərində rekord həcmdə hərbi yardım göstərib və bunun davam etdiriləcəyini təsdiq edib. Bundan əlavə Türkiyə, Fransa, Baltikyanı ölkələr, Polşa, Çexiya və digər NATO ölkələri artıq Ukraynaya hərbi-texniki yardım göstərmək qərarına gəlib”.

Vadim Tryuxan son olanlarla bağlı həmçinin Almaniyanın da mövqeyinə toxunub. 

“Almaniya hazırda praktiki olaraq yeganə ölkədir ki, Ukraynaya silah verilməsi məsələsində sərt mövqe tutur. Mahiyyət etibarı ilə Almaniya Ukrayna ilə görüşdən imtina edir. Lakin bu o demək deyil Almaniya hər şeyə göz yumacaq bir tərəfdaşdır. Hesab edirəm ki,  Rusiya Ukrayna və digər NATO ölkəsinə hücum planlaşdıracağı təqdirdə Almaniya dərhal öz mövqeyini dəyişəcək. Xüsusən də nəzərə alsaq ki, bəzi müxalif siyasətçilər artıq bu mənada indiki hakimiyyətin siyasətini tənqid edirlər”. 

Elnur Ənvəroğlu 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...