“Qarabağ erməniləri azərbaycanlılara qarşı qəddarlıq etdikləri üçün vətəndaşlıqdan məhrum edildilər” - Zahid Oruc - ednews.net

26 May, Cümə axşamı

(+994 50) 229-39-11

“Qarabağ erməniləri azərbaycanlılara qarşı qəddarlıq etdikləri üçün vətəndaşlıqdan məhrum edildilər” - Zahid Oruc

Siyasət A- A A+

“Qarabağ erməniləri Azərbaycanın ərazi bütövlüyünü və qanunlarını tanıdığı halda vətəndaşlıq statusu əldə edə bilərlər”.

Bu sözləri EDNews-a Milli Məclisin deputatı Zahid Oruc bildirib.

Millət vəkili sədrlik etdiyi İnsan Hüquqları komitəsinin 2022-ci il yaz sessiyası üçün təqdim etdiyi iş planı barədə də söz açıb.

Deputat ermənilər və azərbaycanlıların yenidən birgə yaşayışının hüquq çərçivəsində mümkün olduğunu bildirib;

“Rusiya sülhməramlı qüvvələrinin nəzarəti altında olan Xankəndi, Xocəvənd və digər ərazilərdə 27 min erməni yaşayır. İlham Əliyev də bunu öz açıqlamalarında təsdiqləyib. Qarabağ erməniləri Azərbaycana qarşı separatçılıqda və təcavüzdə iştirak etdiyinə görə, vətəndaşlıq statusundan məhrum olublar. Heç bir siyasi və ictimai hüquqlara malik deyillər”.

Zahid Oruc Azərbaycanın bütün Qarabağa nəzarət etdikdən sonra bu ərazilər üzərində öz suveren hüquqlarını daha da möhkəmləndirəcəyini bildirib;

“Qarabağ erməniləri Azərbaycanın ərazi bütövlüyünü, konstitusiyasını və qanunlarını tanıdığı halda vətəndaşlıq statusu ala bilərlər. Onlar Azərbaycanın vətəndaşlığını qəbul etdiyi təqdirdə digər vətəndaşlarımızla bərabər eyni hüquqlara və vəzifələrə malik olacaqlar. Onu da qeyd edim ki, Azərbaycan heç vaxt qarşısına erməniləri zorla ərazilərindən çıxarmağa məqsəd qoymayıb”.

Parlamentin yaz sessiyasında müzakirə üçün təqdim olunacaq reinteqrasiya ilə bağlı qanun layihəsinə toxunan Zahid Oruc ermənilər və azərbaycanlıların birgə yaşayışının təmin edilməsində qeyri-hökumət təşkilatlarının və media qurumlarının iştirakını vacib hesab edib;

“Azərbaycan və erməni xalqları arasında gedən sülh proseslərində mütləq hər iki dövlətin vətəndaş cəmiyyətləri və media qurumları da yer almalıdır. Bu məsələlər üzrə dialoqlar, danışıqlar aparılmalı, yol xəritələri və layihələr hazırlanmalıdır. Onu da nəzərə çatdırım ki, birgə yaşayış BMT - in Qaçqınlar üzrə Ali Komissarlığa nəzdində azərbaycanlı məcburi köçkünlərin öz doğma yurd-yuvalarına qayıtdıqdan sonra mümkün ola bilər. Böyük qayıdış məsələlərində əhəmiyyətli tədbirlər və işlər görülməkdədir”.

Qeyd edək ki, Milli Məclisin İnsan Hüquqları komitəsi 2022-cı il yaz sessiyası üçün iş planı təqdim edib. Planda birgə yaşayışa dair qanunvericiliyi araşdıran komissiyanın yaradılması, böyük qayıdış və reinteqrasiya ilə bağlı qanun layihəsinin hazırlanması kimi məsələlər qeyd olub.

Yunis Abdullayev 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...