Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Üçüncü Sektor” İctimai Birliyi tərəfindən Gürcüstanın Tiflis şəhərində “Xocalı soyqırımı-30” beynəlxalq konfrans təşkil olunub.
Tədbirdə Azərbaycanın Gürcüstandakı səfirliyinin nümayindələri, Azərbaycan və Gürcüstanın ictimai xadimləri, hər iki dövlətin media rəsmiləri iştirak ediblər.
Xocalı soyqırımı ilə bağlı həyata keçirilən layihənin rəhbəri jurnalist Nahid Canbaxışlı Ednews-a bildirib ki, Tiflisdə təşkil edilən beynəlxalq tədbirin əsas məqsədi Xocalı soyqırımına beynəlxalq hüquq çərçivəsində qiymətin verilməsi, ən əsası millətimizə qarşı törədilən bu qətliamın Gürcüstan və digər ölkələrdə ictimaiyyətə tanıdılmasıdır.
“Təkcə tədbirin keçirilməsi kifayətlənmədik, həmçinin Gürcüstanın tanınmış vətəndaş cəmiyyətlərinin nümayindələri ilə görüşlər keçirdik”.
Nahid Canbaxışlı tədbirin sonunda Gürcüstan parlamentinin Xocalı soyqırımının tanınması üçün müraciət qəbul olunduğunu qeyd edib.
“Müraciətdə 20-ci əsrin sonunda erməni vandaları tərəfindən törədilən Xocalı soyqırımı bəşəriyyətə və insanlığa qarşı ən ağır cinayətlərdən biri kimi qeyd olunub. Çox istərdik ki, Azərbaycana dost və qardaş olan Gürcüstanın parlamentində Xocalı soyqırımının tanınması üçün müəyyən addımlar atılsın. Bildiyimiz kimi, Gürcüstan parlamentində azərbaycanlı millət vəkilləri təmsil olunur. Onlardan danışıqlar zamanı parlamentdə bu məsələni qaldırmaq üçün səylər göstərməsini xahiş edilib. Gürcüstanda yaşayan soydaşlarımızın bizim bu yöndə mübarizəmizə dəstək olacağına ümid edirik”.
Sonda Nahid Canbaxışlı Gürcüstanda təşkil olunan beynəlxalq tədbirin, həmçinin Heydər Əliyev fondunun vitsa-prezidenti Leyla Əliyevanın rəhbərlik etdiyi “Xocalıya Ədalət” kampaniyasına dəstək olduğunu bildirib.