Rusiya Azərbaycan və Ermənistan arasında delimitasiya prosesinə artıq cəlb edilib - Zərdüşt Əlizadədən ŞƏRH - ednews.net

1 İyul, Cümə

(+994 50) 229-39-11

Rusiya Azərbaycan və Ermənistan arasında delimitasiya prosesinə artıq cəlb edilib - Zərdüşt Əlizadədən ŞƏRH

Siyasət A- A A+
Brüsseldə Avropa İttifaqı Şurasının Prezidenti Şarl Mişelin iştirakı ilə Azərbaycan Prezidenti İlham Əliyev və Ermənistan Baş naziri Nikol Paşinyan arasında baş tutan növbəti görüş və hər iki tərəfin müəyyən məsələlər üzrə razılığa gəlməsi Rusiya  rəhbərləyini yenidən narahat edib. 
 
Belə ki, Brüssel görüşündən sonra Rusiya Xarici İşlər naziri Serqey Lavrov Ermənistan və Azərbaycan XİN rəhbərləri Ararat Mirzoyan və Ceyhun Bayramov ilə telefon danışığı aparıb.  Rusiyanın baş diplomatı hər iki həmkarı ilə müzakirədə kommunikasiyaların açılması, sərhədlərin delimitasiyası və digər vacib məsələlərə toxunub.  
 

Yaxın tarixi nəzər salsaq, görəriq ki, Kremlin kənar qüvvələrin, əsasən ABŞ və Avropa İttifaqının Qarabağ münaqişəsinin nizamlanması prosesində, hazırda isə Ermənistan-Azərbaycan münasibətlərinin normallaşması üzrə aparılan danışıqlarda vasitçilik missiyasını heç vaxt qəbul etməyib.

Bəzi ekspertlər iddia edir ki, Brüssel görüşündə əldə olunan razılaşmalardan narahat olan Moskva Ermənistanın Azərbaycanla sərhədində xidmət edən erməni silahlı qüvvələrini təxribat törətməyə təhrik edə bilər. 
 
Bu məsələdə fərqli düşünən politoloq Zərdüşt Əlizadə hesab edir ki, Qarabağda və sərhəddə erməni silahlı birləşmələrin heç bir hərbi imkanı yoxdur.  Politoloq Ednews - a açıqlamasında qeyd edib ki, sayca qat-qat üstün olan
Azərbaycan hərbi qüvvələri bölgədə hər hansı təxribatın qarşısını almaq iqtidarındadır. 
 
“Rusiya erməni silahlı birləşmələrindən istifadə etməklə heç bir uğur əldə bilməz. Amma Moskva Ermənistanda ona sadiq olan ordu rəhbələrinə əmr edə bilər ki, hərbi çevriliş həyata keçirsinlər.  Robert Köçəryana göstəriş verilə bilər ki, Paşinyana qarşı terror aktı törədilsin. Rusiyanın əlində hərbi çevriliş və terrordan başqa heç bir imkanı yoxdur”. 
 
Azərbaycan və Ermənistan rəhbərlərinin delimitasiya komissiyasının tərkibinin müəyyənləşməsi ilə bağlı imzaladığı fərmana toxunan Zərdüşt Əlizadə vurğulayıb ki, üçüncü ölkələrin rəsmiləri iki tərəf arasında danışıqlarda mütəxəssis kimi iştirak edə bilərlər.  
 
“Üçtərəfli Soçi bəyanatına əsasən, Rusiya bu prosesə artıq ciddi şəkildə cəlb edilib. Bundan əlavə, Ermənistan və Azərbaycan rəhbərləri razılığa gəliblər ki, delimitasiya komissiyasının işində Rusiyanın rəsmiləri də iştirak etsinlər. Danışıqlara hər iki tərəfin nümayindələri ilə yanaşı Rusiyanın siyasi və hərbi nümayindəliyi də cəlb olunacaq. Fərz eləyin ki, rus mütəxəssisləri Rusiyanın Baş Qərargahının və SSRİ Kartoqrafiya İdarəsinin cızdığı xəritələri masanın ortasına qoymaqla erməni və Azərbaycan rəsmiləri ilə müzakirə aparacaq, o ki, qaldı ortaq məxrəcə gəlmək bu hər iki tərəfin qərarından və iradəsindən ası     lıdır. Xoş niyyətlə gəlirlərsə, qoy gəlsinlər, Ermənistan və Azərbaycan arasında problemləri həll etsinlər”.  
 
Sonda Z.Əlizadə yaxın zamanda Moskvada dövlətlət başçıları və XİN rəhbərləri səviyyəsində üçtərəfli görüşlərin mümkünlüyündən söz açıb. 
 
“Əsas odur ki, tərəflərin razılığa gəlməsi üçün imkanlar yaradılsın. Əgər kənar qüvvələrin müdaxiləsi olması idi, Azərbaycan və Ermənistan çoxdan razılığa gəlmişdilər. Rusiya və digər xarici güclər iki qonşu dövlət arasında münaqişənin davam etməsinə şərait yaradıblar və iki xalq arasında problemlərin həll olunmasına imkan verməyiblər”.
 
Yunis Abdullayev 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...