Prezidentin Zəngilandan MESAJLARI qonşu dövlətlərə açıq xəbərdarlıqdır - Fikrət Sadıqov - ednews.net

5 İyul, Çərşənbə axşamı

(+994 50) 229-39-11

Prezidentin Zəngilandan MESAJLARI qonşu dövlətlərə açıq xəbərdarlıqdır - Fikrət Sadıqov

Siyasət A- A A+
Azərbaycan Respublikasının Prezidenti İlham Əliyev hər kəsi Azərbaycanın iradəsinə hörmət etməyə və onunla hesablaşmağa çağırıb. 
 
İşğaldan azad edilən Zəngilan rayonuna səfər edən Prezident İlham Əliyev  regionda hazırki proseslərlə bağlı önəmli açıqlamalar verib.  
 
Dövlət başçısı açıqlamasında qeyd edib ki, Azərbaycanın mövqeyini hamı nəzərə almalıdır, Azərbaycan özünə hörmət edən müstəqil bir ölkədir və hər kəs də buna hörmətlə yanaşmalıdır.  
 
Politoloq Fikrət Sadıqovun fikrincə,  Prezident İlham Əliyevin bəyanatı region dövlətlərə açıq xəbərdarlıqdır. O, bu barədə Ednews - a açıqlamasında bildirib. 
Fikrət Sadıqov: Cəmiyyətdə seçkilərə maraq kifayət qədər yüksəkdir -
 
“Çox mürəkkəb bir dövrdə yaşayırıq. Müharibələrin və münaqişələrin yaşandığı bir dövrdə bəzi güclər regionumuzda risklər və süni şəkildə təhlükələr yaratmağa çalışırlar.  Təbii ki, Prezidentin açıqlaması qonşu dövlətlərə açıq bir xəbərdarlıqdır. Yaxın tarixi nəzər salsaq, görərik ki, Rusiya və İran Azərbaycana təzyiqlər ediblər, ölkəmizi özlərinin qurduğu düşərgələrə çəkməyə çalışıblar. Lakin biz heç bir siyasi düşərgəyə qoşulmadıq və siyasi kursumuza sadiq qaldıq. Biz əslində öz strateji maraqlarımıza cavab verən siyasət yürüdürük və özümüzü təhlükələrdən qorumağı bacarırıq. Dövlət başçısı, xüsusilə Azərbaycanın digər dövlətlərlə münasibətlərinin normal səviyyədə inkişaf etdirmək marağında olduğunu qeyd edib,   amma bu o demək deyil ki, kimlərsə bizi təzyiq edib öz düşərgələrinə salsın”.  
 
Politoloqun fikrincə, Azərbaycan və Türkiyə regional və beynəlxalq məsələlərdə öz maraqlarına uyğun hərəkət edirlər, öz yanaşmalarını ortalığa qoyurlar. 
 
“Azərbaycanın Türkiyə ilə çox sıx münasibətləri var. Hər zaman hər iki qardaş dövlət bir-birinin yanında olub və olmağa davam edəcəkdir.  Bu onu deməyə əsas verir ki, Azərbaycan-Türkiyə mütəffiqliyi bir çox dövlətləri narahat edir və qıcıqlandırır, buna görə də onlar regionda təxribatlar törətməyə əl atırlar. Əminəm ki, bundan sonra da Azərbaycan-Türkiyə mütəffiqliyi bütün regionu müəyyən təhlükələrdən qoruyacaq, eyni zamanda Cənubi Qafqazda siyasi sabitliyin və təhlükəsizliyin yaranmasına şərait yaradacaq”. 
 
Fikrət Sadıqov, həmçinin bildirib ki, bəzi güclər Ermənistanın Azərbaycanla münasibətlərinin normallaşdırmasına maneçilik törədirlər.  
 
“Bu dövlətlər başa düşürlər ki, Cənubi Qafqazda sülh və təhlükəsizlik bərpa olunarsa, onlar region üzərində öz nəzarətlərini itirəcəklər. Bəyanatlarında  iki qonşu dövlət arasında münasibətlərin normallaşmasına müsbət yanaşırlar, lakin onlar bu prosesləri öz nəzarətləri  altından çıxmasını istəmirlər. Bu da Ermənistanı öz yolundan  çəkindirməyə məcbur edir. Bəlkə bu səbəblərə görə, rəsmi İrəvan Azərbaycanla münasibətləri qurmağa doğru addım atmaqdan çəkinir”.
 
Yunis Abdullayev 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...