Avropa Birliyi ruslar üçün səyahət qaydalarını sərtləşdirdiyini açıqlayıb.
Ednews "nydailynews"-a istinadən xəbər verir ki, Avropa Birliyi ölkələri Rusiya vətəndaşlarının bloka daxil olmasını çətinləşdirməklə bağlı razılığa gəliblər.
Lakin Rusiyanın Ukraynaya qarşı müharibəsinə cavab olaraq birbaşa turist qadağası tətbiq etməklə bağlı qərar qəbul olunmayıb.
Çexiyadakı danışıqlarda Avropa İttifaqının xarici işlər nazirləri birlik nümayişi keçirmək və müharibəyə başladığına görə prezident Vladimir Putini cəzalandırmaq niyyətində idilər. İşğala qarşı çıxan Rusiya vətəndaşlarının ödəyəcəyi bədəllərlə bağlı olan fikir ayrılıqları isə hələ aradan qaldırılmayıb.
Hazırda AB-nin planı Rusiya vətəndaşlarının İslandiya, Lixtenşteyn, Norveç də daxil olmaqla 26 ölkənin ərazisinə girişini daha da baha etməkdir.
Qeyd edək ki, bu addım Rusiya ilə Avropa arasında gediş-gəlişi asanlaşdırmaq üçün 2007-ci ildə imzalanmış sazişin dondurulması yolu ilə həyata keçiriləcək.
Aİ may ayında razılaşmaya əsasən, Rusiya rəsmiləri və iş adamları üçün viza məhdudiyyətlərini artıq sərtləşdirib.
Çexiyanın paytaxtı Praqada keçirilən iclasa sədrlik edən Cozef Borel Avropaya gələn rusların sayının artdığını, bəzilərinin isə “Ukraynada müharibə yoxmuş kimi istirahət və alış-veriş üçün” vaxt keçirdiyini deyib.
Nəzrin Beydiyeva
