"Rusiyanın referendumu qeyri-qanunidir" - BMT-dən açıqlama - ednews.net

29 Noyabr, Çərşənbə axşamı

(+994 50) 229-39-11

"Rusiyanın referendumu qeyri-qanunidir" - BMT-dən açıqlama

Siyasət A- A A+
Ukraynanın Rusiyanın işğalı altında olan 4 bölgəsində keçirilən referendumu böyük fərqlə “Rusiyanın xeyrinə” nəticələnsə də, Kiyev administrasiyası və Qərb ölkələri nəticələri tanımayacaqlarını açıqlayıb.
 
Ednews xəbər verir ki, mübahisəli referenduma qarşı reaksiyalara baxmayaraq, Rusiya ilhaqda israrlıdır.
 
Rusiyanın işğal etdiyi separatçı Donetsk, Luqansk, Xerson və Zaporojye vilayətlərində 5 gün davam edən səsvermə, etirazlara səbəb olub.
 
Ukrayna referendumunun nəticələrinin "etibarsız" olduğunu, BMT və ABŞ isə səsverməni qeyri-qanuni adlandırıb.
 
Nəticələrin açıqlanmasından sonra Donetsk və Luqansk administrasiyaları Rusiyaya birləşmək üçün müraciət etdiklərini, Xerson və Zaporojyenin isə tezliklə müraciət edəcəyini açıqlayıb.
 
Ukrayna prezidenti Zelenski “İşğal olunmuş ərazilərdəki bu cəfəngiyyatı referendumun imitasiyası belə adlandırmaq olmaz” deyib.
 
Zelenski ilhaq referendumlarının strategiyasını dəyişməyəcəyini və ölkənin işğal olunmuş torpaqlarını geri alacağını bildirib. “Biz irəliləyirik və ölkəmizi xilas edirik”,-deyə o, nitqinə əlavə edib.
 
BMT baş katibinin siyasi və sülh quruculuğu məsələləri üzrə müavini Dikarlo referendumların beynəlxalq hüquqa əsasən qanunsuz olduğunu vurğulayıb.
 
BMT Təhlükəsizlik Şurasında çıxış edən Dikarlo, "Bir dövlətin, xalqın iradəsini təmsil etdiyi iddiası ilə başqa bir dövlətin ərazisini zorla ələ keçirmə cəhdini qanuniləşdirmək məqsədi daşıyan birtərəfli hərəkətlər beynəlxalq hüquq baxımından qanuni olaraq qəbul edilə bilməz",-deyə o, çıxışı zamanı qeyd edib.
 
Nəzrin Beydiyeva
 


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...