Bu gün Brüsseldə keçirilən NATO müdafiə nazirlərinin görüşündə Ukraynanın havadan müdafiə sistemi müzakirə olunacaq.
Ednews xəbər verir ki, bu barədə NATO Baş katibi Yens Stoltenberq iclasdan əvvəl jurnalistlərə deyib.
“Bu gün biz Ukraynanın müdafiə naziri Reznikovla görüşəcəyik və NATO müttəfiqlərinin mesajı ondan ibarət olacaq ki, biz Ukraynaya dəstəyimizdə sabitik, uzunmüddətli perspektivə hazırıq və nə qədər lazımdırsa, onları dəstəkləyəcəyik”, - NATO Baş katibi əlavə edib.
O vurğulayıb ki, bu gün həmçinin ABŞ-ın rəhbərlik etdiyi Ukraynanın Müdafiəsi üzrə Təmas Qrupunun da görüşü olacaq:
“Burada Ukraynaya dəstəyin necə artırılacağını müzakirə edəcəyik. Əsas prioritet Ukraynanın hava hücumundan müdafiəsi olacaq”.