“Rus qoşunlarının Xersondan geri çəkilməsi heç bir halda taktiki addım hesab oluna bilməz”.
Bu sözləri Ednews-a açıqlamasında hərbi ekspert Ədalət Verdiyev bildirib.
Rusiya Müdafiə Nazirliyinin Xerson ilə bağlı qərarını şərh edən Ə. Verdiyev hesab edir ki, rus hərbiçiləri məcburi şəkildə bölgəni tərk edir.
“Bildiyimiz kimi, Rusiya rəhbərliyi Donbas, Luqansk ilə birlikdə Xersonun da ilhaqını elan edib. Bu bölgədə rusmeyilli qüvvələri hakimiyyət orqanlarında vəzifələrlə təmin edilib. Belə olan halda qısa müddətdən sonra rus qoşunlarının Xersondan çıxarılması ilə bağlı verilən qərar məcburi xarakter daşıyır. Bu Ukrayna ordusunun Xerson istiqamətində artıq təşəbbüsü ələ keçirməsi deməkdir. Azad edilən ərazinin kifayyət qədər böyük miqyasa malik olması Ukrayna üçün gələcək perspektivlərin ümid verici olduğunu görsədir”.
Hərbi ekspert əlavə edib ki, rus qoşunlarının geri çəkilməsi bununla tamamlanmayacaq.
“Ukraynanın silah təchizatı ilə təmin olunması məhdud şəkildə olunmasına baxmayaraq, bu davam edəcək. Dnepr çayının sol sahilində yerləşən rus hərbi birliklərinin yaxın zamanda Ukrayna ordusunun yerini surprizləri ilə üzləşcəyini ehtimal etmək olar”.
Yunis Abdullayev