“Azərbaycan bir müddət əvvəl Praqada dördtərəfli formatda görüşləri davam etdirməyə razılaşıb”.
Ednews xəbər verir ki, bu barədə Ermənistanın xüsusi tapşırıqlar üzrə səfiri Edmon Marukyan özünün Tvitter hesabında yazıb.
“İclasın formatı və iştirakçıların tərkibi eyni olacaq. Ümid edirik ki, Paşinyanla görüş Emmanuel Makron və Şarl Mişelin iştirakı ilə Brüsseldə baş tutacaq”, - deyə o, qeyd edib.
Xatırladaq ki, Azərbaycan prezidenti İlham Əliyev Brüsseldə planlaşdırılan görüşün baş tutmayacağını bildirib, çünki Ermənistan görüşdə Fransa prezidenti Emmanuel Makronun da iştirak etməsi şərtini irəli sürüb.