“Türkiyənin Suriyanın şimalında PKK/YPG terror təşkilatına qarşı planlaşdırdığı anti-terror əməliyyatı seçki öncəsi R.T. Ərdoğanın reytinqinə müsbət təsir edəcək”.

Bu sözləri Ednews-a açıqlamasında politoloq Məhəmməd Əsədullazadə deyib. O, qeyd edib ki, həmçinin Türkiyə Suriyanın şimalında Kürd muxtariyyətinin yaradılmasının qarşısını almaqla bir növ Rusiyanın bu regionda aktivliyinin qarşısını alır.

“ABŞ da Türkiyənin bu əməliyyatına səssiz qalır. Vaşinqton şimali Suriyada kürd muxtariyyətinin yaradılmasının mümkün olmadığının fərqindədir. Ona görə də ABŞ Türkiyə ilə ciddi qarşıdurmadan çəkinir. Şimali Suriyada nə ABŞ, nə də Rusiyanın planları baş tutmur”.

Politoloqun sözlərinə görə hərbi əməliyyat Türkiyənin regional gücünün artmasına və Suriya ilə əlaqələrin normallaşmasına töhfə verəcək.

“Çünki, bu əməliyyat Suriyanın ərazi bütövlüyünün qorunmasına mühüm töhfə verir. Demək olar Türkiyə rəhbərliyi Bəşər Əsədlə dialoq qurub. Bu əməliyyat rəsmi Dəməşqlə əlaqələndirilib. Sözügedən  əməliyyatla Suriyada kürd terror təşkilatlarının separtizminə son verilir”.

Qeyd edək ki, Türkiyə Silahlı Qüvvələri Suriyanın şimalında YPG terror təşkilatının 14 silahlısını zərərsizləşdirib.

Oğuz Ayvaz